Ŋwà’ne Ngyà jʉ’ 14:2 - Nouveau Testament en Ngienboum

² N jú’ etsɔ̌ ngyè nyìŋ fóo tÿǒ lepwó, ńzẅɛ pá’ máamáa ntse gẅie é ne ńzyɛ́’ɛ la, ńgíŋe ńgwá’a lefaŋ sie é vɛ́te la, ńgíŋ ńgwɔ́ pá’ ngyè leluŋó gie pàpú’ tsɔ̌ ntí kèkÿɛ̀ ne ḿbú’u la.

Ŋwà’ne Ngyà jʉ’ 14:2 ပူးပေါင်းရင်းမြစ်များ

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.

Ŋwà’ne Ngyà jʉ’ 1:15

Mekwò mé la ne ńŋwʉŋe pá’ tʉ̌ nʉ̀ gie mé nyé ńtsíbe mmɔ̌g la. Ngyè ye ne ńzẅɛɛ pá’ lepí sie é zyɛ́’ɛ la.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 18:22

Mbɔɔ pá’ mé téen ńdá’a ńgíŋe ńjú’u ngyè pàpú’ tsɔ̌ ntí kèkÿɛ̀, á mbʉ̀a gù wɔ́, é ké le ye pàpú’ leluŋó lâ ye pàtóŋo màndèle mbɔɔ ye pàtóŋ ntaŋ á mbʉ̀a gù jú’. Mé le gíŋe ńgyá tsɔ̌ ngàŋ levfò mbʉ̀a gù wɔ́. Tà mbɔɔ gẅie à fa’a pɔ́ yɛ̌ fà’ wɔ́. Mé le gíŋe ńjú’ pá’ mé lɔgɔ lùŋo ńgwɔ’ɔ mmó mbʉ̀a gù wɔ́.

Ŋwà’ne Ngyà jʉ’ 11:12

Pà *ntsẅì nkʉ̀ Ssé pa mépʉ́a jú’, etsɔ̌ ngyè tetʉ́ʉ fóo tÿǒ lepwó ńgɔɔn né pɔ́b ngie: Pi kwɔ́’ ńtó né jʉ’ɔɔn. Pɔ́ ne ńkwɔ́’ɔ, ńgwɔ́ tsɛ̀ɛ melɔ́ɔn, megàŋ mbù pɔ́b ne ńgyá.

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Ŋwà’ne Ngyà jʉ’ 8:7

Ndùŋ mvfò tóŋ wé ntàŋ. Mé ma’ megẅì lê mmɔ̌g á ndùmo ssé tsetsá’. Á gwɔ gwɔ́ mbà mé temté metse mǒ. Tà’ nzsè á nà ndùmo ssé tsetsá’ nzsè tá, pú shÿó lê metÿǒ, lâ legǐ gẅie à ne sẅéte.

1 Korento 13:1

N dɔɔn ńzsé léshwóŋó meshwóŋè mie mé shwóŋó tsɛ̀ɛ mengwòŋ ntsèm tà mbɔɔ mie *mecÿɔ́’ Ssé shwóŋó, tá ḿbiŋ tè kwoŋo nyìŋ mesoŋ wɔ́, mbà mèŋ m bege pɔ́ jʉ’ pá’ mmó tʉ̌ gie mé pǔ’, mbɔɔ pá’ kẅì’ fùɔ gẅie à zẅɛ zẅɛ.