Ŋwà’ne Ngyà jʉ’ 13:7 - Nouveau Testament en Ngienboum7 Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm. အခန်းကိုကြည့်ပါ။ |
Ngwòŋo ngwòŋ é ka gyáŋa lóŋ, tá’, á júu fʉ̀’ gie ɔ̀ ge nyɛɛ jú gyáŋa lóŋ tǒ, ńgíŋe ńgwɔ́ fʉ̀’ gie ɔ̀ ge tsɔ́’te ntsaŋ mepfó ssé, ńgwɔ́ fʉ̀’ gie ɔ̀ gee ńtsɔ́’ɔ fà’ ngàŋa fà’ jú, é pà ntsẅì nkʉ̀ pú, é tsɔ́’ɔ fà’ pʉ̀a pú, é pʉa pie pɔ́ gu’te lezíŋ Shú, é penkʉ́ mbɔɔ melÿò, ńgíŋe ńgwɔ́ fʉ̀’ gie ɔ̀ ge cÿɔ́gte pʉ̀a pie pɔ́ zɔ́gɔ ńtágte ndùmo ssé tsetsá’.
Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.