Ŋwà’ne Ngyà jʉ’ 13:6 - Nouveau Testament en Ngienboum

⁶ Nɔ̀ɔn ŋwɛ́ zye léshwóŋó té poŋ ná Ssé, ńzoonte lezíŋ Ssé, ńzoonte jʉ’ gie e Ssé ńnéŋe wɔ́, ńzoonte mbɔɔ pʉ̀a pie pɔ́ ńnéŋe tÿǒ lepwó.

Ŋwà’ne Ngyà jʉ’ 13:6 ပူးပေါင်းရင်းမြစ်များ

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Roma 3:13

Ncwò wɔ́b pú ńdem pá’ gyě lesyè sie mé fwɔ̌’. Pɔ́ lɔgɔ lʉ́me yɔ́b ḿbab pʉ̀a mesoŋ pab. Anò gie á kẅɛɛ nà mekùb ncwò mɔ́b gwɔ́ pɔ́ pá’ sesìŋ nnú.

Kolosia 1:19

Áa nénʉ́, mbà Ssé la kwoŋ ngie tà tsɔ́ mmó gie áa ná yé zága ná Míŋ we,

Kolosia 2:9

Pi pɔ́ɔn á nue, akɔ́ɔkɔ́ɔ gie áa nà Ssé wɔ́, mé gyá ná Kristo, yé gẅie à la sele ńcʉ́’ʉ nyìŋ mesoŋ.

Heber 9:2

Mbà mé la jwoŋo máamáa ntàb, ńdɔgɔ mmó nzsǒ ńzá’ nzsè pʉ́a, ńtóŋo lúm we pǐ ngie tsɛ̀ɛ jʉ’ gie e Ssé ee wo, tsɔ̌ ntí máamáa túlukáŋ gwɔ́ jʉ’ó, ńgẅiin mentyɛ’ɛ́ sɔɔn mbʉ́a, tápele gíŋ ńgwɔ́ jʉ’ó, mbelég gie mé nǎ mbwo Ssé gwɔ́ ndùmo.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

Ŋwà’ne Ngyà jʉ’ 11:12

Pà *ntsẅì nkʉ̀ Ssé pa mépʉ́a jú’, etsɔ̌ ngyè tetʉ́ʉ fóo tÿǒ lepwó ńgɔɔn né pɔ́b ngie: Pi kwɔ́’ ńtó né jʉ’ɔɔn. Pɔ́ ne ńkwɔ́’ɔ, ńgwɔ́ tsɛ̀ɛ melɔ́ɔn, megàŋ mbù pɔ́b ne ńgyá.

Ŋwà’ne Ngyà jʉ’ 12:12

Pú’u la, atÿǒ lepwó lâ pʉ̀a pie pɔ́ ńnéŋe wó, pi kág. Tá ńgʉa nà ndùmo ssé tsetsá’ mbɔɔ ntse té pàa, anò yɛ gie á kě ńgÿo gẅi lɛ. Á nue ndebele sẅɛ̌’ ńtó ńtsɛ́ɛ gẅí, lóŋ we ne ńgyáŋa tɛ’. Á ne ńzsé ngie à tè gíŋe fa’a yé fà’ tà ntyě sag wɔ́.

Ŋwà’ne Ngyà jʉ’ 15:5

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá jʉ’ yé, gie áa tÿǒ lepwó, á nyɛ́’ɛ ńtyé, ntàb gẅie é nyɛɛ ngie e Ssé ee nùɔ pʉ̀a pé, é tyé tsoló.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

Ŋwà’ne Ngyà jʉ’ 21:3

Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.

Ŋwà’ne Ngyà jʉ’ 4:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 5:13

Mèŋ n gíŋe ńjú’, akɔ́ɔkɔ́ɔ gie e Ssé la nyɛte, á gie áa tÿǒ lepwó, á gie áa ndùmo ssé tsetsá’, á gie áa tsɛ̀ɛ tsetsá’, á gie áa tsɛ̀ɛ ntse té pàa tà mbɔɔ kɔ̀ɔkɔ́ɔ gie áa tsɛ̀ɛ njÿó wɔ́, á ne ńzɔbɔ ńgɔɔn ngie: Mé zɔb lezíŋ, ńgÿo mekù’ ńnáa legú’, ńnáa lesá’ njÿó á mbwo nyìŋ gẅie à ńnéŋe nà lʉŋe lefùɔ, mbɔɔ mbwo mûɔ *Njʉ̀njÿò á nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 7:15

Áa mmó gie á gÿo pɔ́ tyé mvfò lʉŋe *lefùɔ Ssé, á tsɛ̀ɛ jʉ’ yé, ńne ńgu’te yé zsó pɔ́ tsẅɛ́’. Nyìŋ gẅie à ńnéŋe nà lʉŋe lefùɔ, à ge taa ntàb we é lɔg kábte wɔ́b.

Ŋwà’ne Ngyà jʉ’ 7:9

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá nùɔ lá’ gie ńgwɔ́ nyìŋ le sáŋ tà ńzsé nzẅìŋ wɔ́. Mbà pʉ̀a fǒ nà mengwòŋ ntsèm, éfó nà mengẅɛ̀ mengẅɛ̀, ńgwɔ́ mentí mentí, éshwóŋó meshwóŋè ntí ntí mie ée ndùmo ssé tsetsá’. Pɔ́ la tyé mvfò lʉŋe lefùɔ, mbɔɔ mvfò Mûɔ *Njʉ̀njÿò, ḿma’ meféfɔ́gɔ nzsǒ, ńgẅiin meyáŋa letÿǒon,