Ŋwà’ne Ngyà jʉ’ 13:5 - Nouveau Testament en Ngienboum

⁵ Mé ná ncwò gẅie à ge lɔg fwɔ’te meshwóŋè ngwág, mbɔɔ pá’ à ge lɔg zoonte Ssé né yé, ńnyé yé pá’ à ge sá’ sé lefùɔ á nà mesaŋ ntsɔ̀b pʉ́a lê móm lekùa.

Ŋwà’ne Ngyà jʉ’ 13:5 ပူးပေါင်းရင်းမြစ်များ

2 Tesalonika 2:3

Tà pi zẅíŋ nyìŋ fʉte gẅí, kà pɔ́ nê yɛ̌ ntí wɔ́. Yɛ̌ lyɛ’ɛ́ lá’ té lá’ tó té gwɔ́ gie etsɔ̌ ntí menò vɔ̌g ńcʉate wɔ́. Á lɔgɔ ńgwɔ́ pá’ pʉ̀a tá ńgyɔɔn ge lá’ lʉ’ʉ lé jú’ ncwò Ssé. Fùɔ menò tepòŋ kẅɛ ńtyé tá yɛ̌ lyɛ’ɛ́ lá’ lêen ńké ńtó. Á yé wá gẅie mé ge lá’ ma’a yé tsɛ̀ɛ mmɔ̌g la.

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.

2 Tesalonika 2:8

Yé fùɔ menò tepòŋ lêen ńké ńkẅɛ. Á yé gẅie Cʉ̀apʉ̀a Yěsô ge lá’ fÿɔ́gɔ zẅɛ̌ ncwò yé ná yé à kwé, ńtí gie Yěsô lɔ̌g ńtó, e gÿo à mag.

Ŋwà’ne Ngyà jʉ’ 11:7

Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Ngyà jʉ’ 12:14

Mé lêen ńké ńná mémbabá mémbʉ́a, é me máamáa gúm ndóŋ wɛ̌ né manzwě ŋwɛ́ pá’ à ge lɔg zie gee nkwòŋo tsẅɛ, á nà yé jʉ’, á jʉ’ gie máamáa nnù ngém wa à tè gíŋe gyá yé wɔ́. Á jʉ’ gie mé la nyɛte léjÿɔ́gɔ manzwě ŋwɛ́ wó, á nà ngù’ tá ńgÿo mesaŋ ntɔgɔ́.

Ŋwà’ne Ngyà jʉ’ 12:6

Manzwě wa lêen ńké ńkÿo ńgʉa né nkwòŋo tsẅɛ, á nà jʉ’ gie Ssé la nyɛte pá’ à ge ńnéŋe wó, ńzsé ngie mé ge nyɛte jÿɔ́gɔ yé jÿɔ́g nà melyɛ̌’ lá’ ntsá’ lê nkÿo pʉ́a lê móm ntɔgɔ́ (1.260).

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.