Ŋwà’ne Ngyà jʉ’ 13:3 - Nouveau Testament en Ngienboum

³ Atsɔ̌ tà’ ná twó sé la gwɔ́ pɔ́ pá’ fʉ̀’ gie mé ka néŋ fʉ̌ŋ mǒ tà ńgwɔ́ é zẅé yé zẅé la, tá fʉ̌ŋ ŋwɛ́ gie e kɔ̌ɔn ńgwɔ́ gie ńgwɔ́ é zẅé yé zẅé gwɔ́ mbà e kéen ńtʉ. Epʉ̀a ndùmo ssé tsetsá’ gyá pú’u, ḿbú ḿmɔɔn, ńzẅɛ ńcʉ́me nzèm yé.

Ŋwà’ne Ngyà jʉ’ 13:3 ပူးပေါင်းရင်းမြစ်များ

Lukase 2:1

Mé la gwaa zyé Jâŋ, mbà Áwúse, Kása pà *Roma ŋwe’é ŋwà’ne, ńzáb ngie mé pú sáŋ ngwòŋ pʉ̀a metsèm pie à ne sá’a wɔ́b.

Ŋwà’ne Jâŋ 12:19

Pà *farisay gyá pú’u, ńgɔɔn tsetsɛ̀ɛ pɔ́b ngie: pi kaa gyá ka. Atsɔ́ mmó gie à lɔɔn ńgwɔ́ pege gÿo á té wó wɔ́. Alá’ cʉ́’ ńgwɔ́ pɔ́ nzèm ye.

Megàŋ ntúm 8:13

Mbɔɔ Símo ŋwɛ́ jú’, ńzẅíŋ yé, mé nu’u yé ntse. À tè gíŋe fó lejʉ́ŋ Filib sẅɛ’te nnɛ́ wɔ́, ńne ńgyá menò mmɔɔn mmɔɔn pâ ndaa gyá mie à lɔgɔ lezíŋ Ssé ńgÿo, é pú ńkʉ’ʉ yé tɛ’.

Ŋwà’ne Ngyà jʉ’ 13:12

À la gẅiin metʉ̀ ndùŋ mvfò nɔ̀ɔn, lélɔg ńgÿo menò, á nà lezíŋ sé, ńne ńgÿo mânyìŋ ntsèm ndùmo ssé tsetsá’ kẅí’te mvfò ndùŋ mvfò nɔ̀ɔn, ńgu’te yé. Á nɔ̀ɔn wá gẅie fʉ̌ŋ laa ná yé tà ńgwɔ́ pɔ́ gie à ńgwɔ́ é zẅé yé zẅě ḿbiŋ ńtʉ la.

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 17:10

é gíŋe ńdɔgɔ ńgwɔ́ mefùɔ sɔɔn mbʉ́a. Epe métʉ̀a tsetsɛ̀ɛ pɔ́b kéen ńgwe, tà’ gwɔ́ nà kwɔ̀’ɔ fʉ̀’ɔɔn, wetsɔ̌ nyé té tó, à ge ké gÿo gwɔ́ tà tó, é ké le ńnéŋe tɛ’ wɔ́.

Ŋwà’ne Ngyà jʉ’ 17:11

Nɔ̀ɔn gẅie à la zɔɔn ńgwɔ́ wó, à piŋ ńcʉ́’ʉ ńgwɔ́ wó wɔ́ la, yé lê twó yé lɔgɔ ńgwɔ́ fùɔ mbɔ́ɔntè lefɔ̌ɔn, ńgíŋ ńgwɔ́ tsɔ̌ tà’ ná pe sɔɔn mbʉ́a. À piŋ ńne ńgee, légʉa ńkúu pyé.

Ŋwà’ne Ngyà jʉ’ 17:13

Pɔ́b legém e pú ńgẅiin tà’ nkwaŋá. À gwɔ́ lépúte mɔ́b metʉ̀, pâ sɔ́b lefùɔ, ńnáa mbwo nɔ̀ɔn.

Ŋwà’ne Ngyà jʉ’ 17:17

Á nue e Ssé la kwaŋa mmó ńnéŋe ntʉ́m pɔ́b pá’ pɔ́ zɔ̌ ge cʉ́’ gÿo mmó gie à la kwaŋ. Á gwɔ́ pá’ mendóŋ ŋwɛ́ legém ge gẅiin tà’ nkwaŋá, é cú’te lefùɔ sɔ́b náa mbwo nɔ̀ɔn, e gwɔ́ pɔ́ mbwo yé tà lá’ ńkú lyɛ̌’ gie ammó gie Ssé la gɔɔn á pumté.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.