Ŋwà’ne Ngyà jʉ’ 13:2 - Nouveau Testament en Ngienboum

² Nɔ̀ɔn gẅie n da gyá à la gwɔ́ pɔ́ pá’ ŋɔ́ɔn ŋʉ́, mekwò mé gwɔ́ pá’ me tsɔ́ máamáa tsò, ncwò wé gwɔ́ pá’ we pú’ ntʉ̀. Máamáa nnù ngém wa ná metʉ̀ mé mbwo yé, ńnáa lʉŋe lefùɔ yé né yé, ńnyé lésá’ pʉ̀a mbwo yé.

Ŋwà’ne Ngyà jʉ’ 13:2 ပူးပေါင်းရင်းမြစ်များ

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 12:13

Máamáa nnù ngém yá, gwɔ́ tà ńgyá pá’ mé tsǒ yé ḿma’a ndùmo ssé tsetsá’, ńzyɛ́’ ńcʉ́me nzèm manzwě wa gẅie à ně ńzyé mûɔ mbàŋa la, ńzye lénɔ́ɔn yé.

Ŋwà’ne Ngyà jʉ’ 12:15

Máamáa nnù ngém ya zé’e ntse, é kẅɛ ńcwóŋo nzèm manzwě wa pá’ mí légwɔ́ gie é ge kaa yé.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 13:12

À la gẅiin metʉ̀ ndùŋ mvfò nɔ̀ɔn, lélɔg ńgÿo menò, á nà lezíŋ sé, ńne ńgÿo mânyìŋ ntsèm ndùmo ssé tsetsá’ kẅí’te mvfò ndùŋ mvfò nɔ̀ɔn, ńgu’te yé. Á nɔ̀ɔn wá gẅie fʉ̌ŋ laa ná yé tà ńgwɔ́ pɔ́ gie à ńgwɔ́ é zẅé yé zẅě ḿbiŋ ńtʉ la.

Ŋwà’ne Ngyà jʉ’ 13:4

Pɔ́ gu’te nnù ngém ya, á nue à ka nyé lésá’ pʉ̀a á mbwo nɔ̀ɔn, ńne ńgu’te nɔ̀ɔn, ńgɔɔn ngie: À wɔ̌ gẅiin tʉ̀ pá’ nɔ̀ɔn? Ńgwɔ́ wɔ̌ ma’a yé lê ncù?

Ŋwà’ne Ngyà jʉ’ 16:10

Ambɔ́ɔntè yétʉ̀a pfɛte ye ntú’ nà lʉŋe lefùɔ nkʉ̀’ʉ nɔ̀ɔn wɛ̌. Nzěm pú ńjÿó lá’a nɔ̀ɔn ŋwɛ́. Epʉ̀a mesoŋ gyá ngɔ́’ gyǎ tà ḿpfɛ́ lʉ́me yɔ́b.

Ŋwà’ne Ngyà jʉ’ 17:12

Mendóŋ legém mie ɔ̀ kě ńgyá la lɔgɔ ńgwɔ́ mefùɔ legém pie mé nyé tè ná sɔ́b lefùɔ. Tá pâ nɔ̀ɔn ge gÿo pú temte sá’a lá’ ndà’ ná tà’ nèm wémɔ’ɔ́.

Ŋwà’ne Ngyà jʉ’ 19:20

Mé jÿo nkʉ̀’ʉ nɔ̀ɔn wa, ńgwoon yé, ńgíŋe ńgwoon mbɔɔ *ntsẅì nkʉ̀ Ssé we cÿɔ̌ nò gẅie, à la tyé mvfò yé, ńgÿo menò mmɔɔn mmɔɔn ńdɔg fʉte pʉ̀a pie pɔ́ la zẅíŋ mé cÿɔ’ɔ liŋé nkʉ̀’ʉ nɔ̀ɔn ŋwɛ́ ná pɔ́b, pɔ́ gíŋ ńgu’te tútú nɔ̀ɔn ŋwɛ́ la. Mé gwoon wɔ́b pú’u, ńzé’e wɔ́b mépʉ́a pɔ́ ntentʉ́, ḿma’a tsɛ̀ɛ gÿǒon mmɔ̌g *mekʉ̀a.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 20:2

ńgwoon máamáa nnù ngém ya, á yé gẅie aa nnù ya gie e la fó tàa fʉ̀’e mvfò la, yé gẅie aa ndêbele, ńgíŋ ńgwɔ́ Sátà la, ńdɔgɔ tsɛ̂n wa ńkwɛ́ɛ yé pá’ à ge ké gwɔ́ pɔ́ me nkÿo nà ngù’ ntsá’,