Ŋwà’ne Ngyà jʉ’ 13:1 - Nouveau Testament en Ngienboum

¹ Mèŋ m biŋ ńgyá tsɔ̌ nkʉ̀’ʉ pà nɔ̀ɔn fóo tsɛ̀ɛ ntse té pàa ńkẅɛ, ńgẅiin metwó sɔɔn mbʉ́a, ńgẅiin mendóŋ legém, yɛ̌ yɛ̌ ndóŋ wɔ́ gẅiin cÿɔ́’ɔ lefùɔ, mbà mé ŋwe’é lezíŋ sie mé lɔgɔ ńzoonte Ssé zoonte á ná yɛ̌ yɛ̌ twó yé wɔ́.

Ŋwà’ne Ngyà jʉ’ 13:1 ပူးပေါင်းရင်းမြစ်များ

Ŋwà’ne Ngyà jʉ’ 11:7

Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Ngyà jʉ’ 12:3

Atsɔ́ mmó gíŋe ńkẅɛɛ lefaŋ, ńgwɔ́ tsɔ̌ ntí máamáa nnù ngém ya, ḿbaŋa pá’ mmɔ̌g la, metwó mé gwɔ́ sɔɔn mbʉ́a, mendóŋ mé gwɔ́ legém, acÿɔ́’ɔ lefùɔ gwɔ́ ná metwó mé sɔɔn mbʉ́a ntsèm.

Ŋwà’ne Ngyà jʉ’ 13:11

Mèŋ m biŋ ńgyá wetsɔ̌ nkʉ̀’ʉ nɔ̀ɔn ne fóo tsɛ̀ɛ tsetsá’ ńkẅɛɛ. Mendóŋ mé gwɔ́ mémbʉ́a pá’ me mûɔ *Njʉ̀njÿò, tá á ne ńgɔɔn nò pá’ máamáa nnù ngém la.

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 13:15

Mé gíŋe ńnáa yé metʉ̀ pá’ à ge gÿo tútú gẅie mé lɔ̌g fʉ’te nɔ̀ɔn ŋwɛ́, à ŋele, ńzsé ngie tútú ŋwɛ́ ge ku’u légɔɔn nò, é ku’u lézẅéte pʉ̀a metsèm pie pɔ́ kaa zẅíŋe légu’te yé tútú wɔ́.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 16:13

N gyá tsɔ̌ *ssé tepòŋ fóo ncwò máa nnùngém ńkẅɛ, yetsɔ̌ fóo ncwò nkʉ̀’ʉ nɔ̀ɔn ńkẅɛ, yetsɔ̌ fóo ncwò *ntsẅì nkʉ̀ Ssé we cÿɔ̌ nò ńkẅɛ, tà pɔ́ gwɔ́ metá, ńgwɔ́ pɔ́ pá’ metetɔ́’ la,

Ŋwà’ne Ngyà jʉ’ 17:16

Mendóŋ legém mie ɔ̀ ně ńgyá mbɔɔ nɔ̀ɔn, pɔ́ ge gÿo pʉa ngàŋ mpfwɔ́’ manzwě wɛ̌, é pú kẅé shúm sé tà à tyé té jÿɔ́g nzsǒ, é pfɛ́ mbab nnɛ́ ye, é tuɔ pfwɔ́’ mmɔ̌g.

Ŋwà’ne Ngyà jʉ’ 17:3

A Zẅìge Ndʉalʉ̌a tó ńjʉʉ wɔ̀ɔn, *cÿɔ́’ Ssé wa kaa wɔ̀ɔn ńdɔg ńgʉ́a né tsɔ̌ nkwòŋo tsẅɛ. Mèŋ n gyá tsɔ̌ manzwě ńnéŋe ndùm tsɔ̌ nɔ̀ɔn, á paŋa lê gʉm, mezíŋ lɔg ńzoonte Ssé pú ḿbáte mbùm nɔ̀ɔn ŋwɛ́, e twó sé gwɔ́ sɔɔn mbʉ́a, mendóŋ mé gwɔ́ legém.

Ŋwà’ne Ngyà jʉ’ 17:5

Mbà mé la ŋwe’e tsɔ́ lezíŋ nà zǐ yé. Lezsě mmó gie é lɔgɔ ńgɔɔn á tʉ tɛ’. Lezíŋ ŋwɛ́ lɔgɔ ńgwɔ́ ngie máamáa tÿǒsoŋ Mbabilonia, má pà pà ngÿò mpfwɔ́’ mbɔɔ ntí ntí menò tepòŋ mie ée ndùmo ssé tsetsá’.

Ŋwà’ne Ngyà jʉ’ 19:19

Mèŋ n gyá nkʉ̀’ʉ nɔ̀ɔn wa, ńgyá mefùɔ ndùmo ssé tsetsá’ mbɔɔ menùɔ ncù mɔ́b. Mbà pɔ́ cu’té léma’a nyìŋ gẅie à ńnéŋe ná lÿóon pâ wé nùɔ ncù lê ncù.