Ŋwà’ne Ngyà jʉ’ 12:9 - Nouveau Testament en Ngienboum

⁹ Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 12:9 ပူးပေါင်းရင်းမြစ်များ

Matio 13:39

Ngàŋ mbù gẅie à pye mbyè mmó ye tepòŋ, á gwɔ́ Sátà. Lelag shúm á gwɔ́ lyɛ̌’ɛ nzsònzèm, Megàŋa fà’ gwɔ́ *mecÿɔ́’ Ssé.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 4:1

À Zẅìge Ssé fó jʉ’ó, ńdɔgɔ Yěsô ńgee nkwòŋo tsẅɛ, pá’ Sátà ge kwa’te yé.

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Matio 4:5

Sátà lɔgɔ Yěsô ńgʉa lê tÿǒsoŋ Yerósalem, ńtÿɔ́gɔ yé nà ntsɔ́’ gie ee *jʉ’ʉ Ssé,

Matio 4:8

Sátà gíŋe ńdɔgɔ yé ńgʉa, ńtÿɔ́gɔ yé ndùm tsɔ̌ lekwɛ́ sie é gʉa taa tÿǒ, ńtyé wó, ńnyɛɛ yé mengwòŋo mengwòŋ mie ee tsɛ̀ɛ njÿó mbɔɔ mmó gie pɔ́ lɔgɔ fáŋa,

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Lukase 13:16

Ńgʉa ná manzwě wɔɔn gẅie aa nà ngẅɛ̀ Ábalam, mbà Sátà la leen ńkwɛ́ɛ yé, tà ée fʉ̀’ɔɔn ńdɔgɔ ńgwɔ́ ngù’ ntsɔ̀b lefɔ̌ɔn nê legém, mèŋ n kɔ’ɔ́ le kyɛ́’ nkÿo ná yé lyɛ̌’ɔɔn wɔ́, mélà’mie yɔɔn lyɛ̌’ɛ́ nzsè lá!

Lukase 22:3

Sátà kúu tsɛ̀ɛ ntʉ́m Jẅidas, á gwɔ́ tsɔ̌ tà’ nyìŋ ná pʉ̀a ntsɔ̀b pʉ́a nê legém, gẅie setsɔ́ lezíŋ sé laa le Iskariod.

Lukase 22:31

Yěsô piŋ ńgɔɔn mbwo Piɛ ngie: Símo, Símo, Sátà ně ńdá’ ńdúɔ léta’a gẅi métsèm ńtyɛ́te, pá’ mé tá’a mekú ńtyɛ́te la.

Lukase 8:12

Ngʉ̀ŋe mánzsé gẅie tsɔ́ memvòm gwě wó, ée pʉ̀a pie pɔ́ jú’u shwóŋè Ssé, tá Sátà tó fó ntʉ́m pɔ́b ńkẅile, ḿbɔ́gɔ légwɔ́ gie pɔ́ ge zẅíŋ, E Ssé gÿo pɔ́ tsẅɛ́.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Megàŋ ntúm 5:3

Piɛ leen ńké ńzɛ́te yé ngie: Ananias, mélà’a kɔ́ ɔ̀ zẅǐŋ Sátà jÿó gú tà ɔ̀ fʉte zẅìge Ssé? Mélà’a kɔ́ ɔ̀ sẅǐŋ nká’ gù, ńkú’te tsɔ́ gwǒŋo nkáb?

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Roma 16:20

Pi lɔɔn ńgÿo pá’ɔɔn, mbà e Ssé gẅie à náa sẅéte, ge ma’a Sátà ssé, pi lɔg mekwò ńnéŋte yé. Cʉ̀apʉ̀a wege Yěsô Kristo ne ńgwɔ́ né pi.

2 Korento 11:14

Á té pú’u, ńgwɔ́ pɔ́ tsɔ́ nò mmɔɔn mmɔɔn wɔ́, á nue Sátà giŋé ńnéŋe yé tà sele ńcʉ́’ ńgwɔ́ pɔ́ pá’ *cÿɔ́’ Ssé gẅie à fóo jʉ’ gie kyɛ̀’ áa wó la.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

2 Korento 12:7

Pá’ n da gyá menò mmɔɔn mmɔɔn la, e Ssé gyá ngie ńgwaa ńgwɔ́ n dɔg ńŋá’te, ńzẅíŋ mântúm Sátà ńnéŋe ńcúa wɔ̀ɔn, é gwɔ́ ngɔ́’ gie e la kúu ná mèŋ pá’ nzóŋ gie e lé’e ná mèŋ ńne ńnéŋe ńgége wɔ̀ɔn la, pú’u, légwɔ́ gie n te ka’te wɔ́,

2 Korento 2:11

ńzsé ngie pege tè nyé Sátà à cʉa wégè wɔ́, á nue pege tè ne ḿmoŋe mmó gie aa nzèm pege é fa’a wɔ́.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

2 Tesalonika 2:3

Tà pi zẅíŋ nyìŋ fʉte gẅí, kà pɔ́ nê yɛ̌ ntí wɔ́. Yɛ̌ lyɛ’ɛ́ lá’ té lá’ tó té gwɔ́ gie etsɔ̌ ntí menò vɔ̌g ńcʉate wɔ́. Á lɔgɔ ńgwɔ́ pá’ pʉ̀a tá ńgyɔɔn ge lá’ lʉ’ʉ lé jú’ ncwò Ssé. Fùɔ menò tepòŋ kẅɛ ńtyé tá yɛ̌ lyɛ’ɛ́ lá’ lêen ńké ńtó. Á yé wá gẅie mé ge lá’ ma’a yé tsɛ̀ɛ mmɔ̌g la.

1 Timote 2:14

Adam zɔ la piŋ tè zẅíŋ mé fʉte yé wɔ́. Manzwě zɔ la zẅíŋ mé fʉte yé, á fʉa nò mbwo Ssé.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Heber 2:14

Ńgɔɔn pú’u, e gubé ŋwɛ́ gwɔ́ pʉ̀a mesoŋ. Pá’ pʉ̀a mesoŋ gwɔ́ pɔ́ tà’a mmó, ńgẅiin mbab nnɛ́, ńgẅiin metse la, yé lê twó yé la gíŋe ńcʉ́’ yé nyìŋ mesoŋ pá’ pɔ́b, légwɔ́ gie à ge táa fó nà legwé we, é gwoon nyìŋ gẅie à gÿo pʉ̀a kwéte, é kẅé metʉ̀ mé. Mé tóŋo ngàŋ lê Sátà

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

Jẅide 1:9

Tá mbà Méshÿɛɛ, tándá *mecÿɔ́’ Ssé la tè pú’u gÿo. Á laa lyɛ̌’ gie pɔ́ Sátà la ne ńzoŋo nò ná mbùm Mǒsê, á ké tè Sátà zoonte, ńké tè túu *lɔ̌’ yé ńdɔg ńzoonte yé wɔ́. Tà ńcʉ́’ pú’u, mbà à la gɔɔn pɔ́ ndà’ ngie: Á poŋ ngie Cʉ̀apʉ̀a néŋ ngɔ́’ twó gù.

Ŋwà’ne Ngyà jʉ’ 12:12

Pú’u la, atÿǒ lepwó lâ pʉ̀a pie pɔ́ ńnéŋe wó, pi kág. Tá ńgʉa nà ndùmo ssé tsetsá’ mbɔɔ ntse té pàa, anò yɛ gie á kě ńgÿo gẅi lɛ. Á nue ndebele sẅɛ̌’ ńtó ńtsɛ́ɛ gẅí, lóŋ we ne ńgyáŋa tɛ’. Á ne ńzsé ngie à tè gíŋe fa’a yé fà’ tà ntyě sag wɔ́.

Ŋwà’ne Ngyà jʉ’ 12:3

Atsɔ́ mmó gíŋe ńkẅɛɛ lefaŋ, ńgwɔ́ tsɔ̌ ntí máamáa nnù ngém ya, ḿbaŋa pá’ mmɔ̌g la, metwó mé gwɔ́ sɔɔn mbʉ́a, mendóŋ mé gwɔ́ legém, acÿɔ́’ɔ lefùɔ gwɔ́ ná metwó mé sɔɔn mbʉ́a ntsèm.

Ŋwà’ne Ngyà jʉ’ 12:7

Ncù lêen ńké ńgwe tÿǒ lepwó, Méshÿɛɛ, tándá *mecÿɔ́’ Ssé, lɔg *mecÿɔ́’ Ssé pie ée nzèm yé, ḿma’ ntí máamáa nnù ngém ya lê ncù. Máamáa nnù ngém ŋwɛ́ lɔg mecÿɔ́’ pé, ńdÿɔ́’ɔ Méshÿɛɛ lê ncù.

Ŋwà’ne Ngyà jʉ’ 12:8

Tá máamáa nnù ngém wa ké tè ncù jÿó. Ayɔ́b jʉ’ té gíŋe ńgwɔ́ tÿǒ lepwó wɔ́

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 16:14

ée pú’u, ńgwɔ́ messe tepòŋ mie é gÿo menò mmɔɔn mmɔɔn. Pɔ́ ge gʉa gyá mefùɔ pie ée ndùmo ssé tsetsá’ ntsèm, légwɔ́ gie pɔ́ ge cú’te wɔ́b lɔg zẅí’te ncù gẅie é ge lá’ gwɔ́ ná máamáa lyɛ’ɛ́ lá’ gie, e Ssé ngàŋa tʉ̀ ntsèm ge lá’ ŋag pʉ̀a mesoŋ.

Ŋwà’ne Ngyà jʉ’ 18:2

Á lɔg ngyè tetʉ́ʉ ńgɔɔn ngie: À kéen ńgwe ssé. N gɔ̌ɔn ngie à kéen ńgwe ssé. N gɔɔn máamáa tÿǒsoŋo Mbabilonia. Mbabilonia kéen ńcʉ́’ mbʉ̀a *messé tepòŋ, ńcʉ́’ nkʉ̀a mezẅìge tepòŋ ntsèm, mbaa ye meshʉ́ŋ pie nzse ée ná pɔ́b, á lépfɛ́, mé piŋ tè nò yɔ́b kwòŋ,

Ŋwà’ne Ngyà jʉ’ 18:23

Akyɛ̀’ gie á fóo ná lâm á téen ńdá’a ńgíŋe ńkyɛ’ɛ jʉ’ mbʉ̀a gù wɔ́. Mé ké le gíŋe ńjú’ ngyè ndǔm nzwě ngʉ̀ wɔ́, é ké le ye nzwě ngʉ̀ jú’. Mé lě ńjú’u wɔ́ pú’u, á nue pʉ̀a pie pɔ́ kɔ́ɔn ńtáŋa metʉ̌a gù, é kaa memáa pʉ̀a ndùmo ssé tsetsá’. Ɔ̀ lɔg mekàŋ mú ńdʉte mengwòŋ ntsèm.

Ŋwà’ne Ngyà jʉ’ 19:20

Mé jÿo nkʉ̀’ʉ nɔ̀ɔn wa, ńgwoon yé, ńgíŋe ńgwoon mbɔɔ *ntsẅì nkʉ̀ Ssé we cÿɔ̌ nò gẅie, à la tyé mvfò yé, ńgÿo menò mmɔɔn mmɔɔn ńdɔg fʉte pʉ̀a pie pɔ́ la zẅíŋ mé cÿɔ’ɔ liŋé nkʉ̀’ʉ nɔ̀ɔn ŋwɛ́ ná pɔ́b, pɔ́ gíŋ ńgu’te tútú nɔ̀ɔn ŋwɛ́ la. Mé gwoon wɔ́b pú’u, ńzé’e wɔ́b mépʉ́a pɔ́ ntentʉ́, ḿma’a tsɛ̀ɛ gÿǒon mmɔ̌g *mekʉ̀a.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 2:24

Mèŋ n ge gɔɔn nò fʉ̀’ɔɔn mbwo pi petsɔ́ pʉ̀a tsɛ̀ɛ cú’tè pʉ̀a Kristo gie áa tÿǒsoŋo Tiatire, pi pie pi tè ne ńzẅíŋe ndɔgtelé pɛ̌ pʉ̀a wɔ́, ńké tè ne fa’a lézsé mmó gie pɔ́ tóŋo lê kwà’ nò nénʉ́ gie Sátà la gÿo pɔ́ zsé wɔ́. Mèŋ n těen ńge ńzába tsɔ́ pì’ ye ndyɛ̀’ɛ twó pi wɔ́.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.

Ŋwà’ne Ngyà jʉ’ 20:8

À kẅɛ, légwa fʉte pʉ̀a pie ée tsɛ̀ɛ mengwòŋo mengwòŋ, á nà njÿó mesǎg lekùa. Mé tóŋ mɔɔn mengwòŋ lê Gɔg ńgíŋ ńtóŋ lê Magɔg, éfʉte wɔ́b pú’u, é cú’te wɔ́b lélɔg ńgʉa ḿma’ ncù. Pɔ́ gyɔ́ɔn pá’ memvòm sàŋasáŋa gie áa ngʉ̀ŋe ntse té pàa la.

Ŋwà’ne Ngyà jʉ’ 3:9

Mèŋ n ge gÿo sẅiŋ pʉ̀a pe cú’tè ye Sátà, á mbwo pi, é megàŋa cÿɔ̌ nò pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn. Mèŋ n ge tsóte wɔ́b, pɔ́ tó ńkẅí’te mvfò pi, ńzẅíŋ ngie n kwoŋo gẅí.

Ŋwà’ne Ngyà jʉ’ 9:1

*Cÿɔ́’ Ssé mbɔ́ɔntè yétʉ̀a tóŋ wé ntaŋ. Mèŋ n gyá tsɔ̌ cÿɔ́’ saŋ, mbà à ně fó lepwó ńgwe ndùmo ssé tsetsá’. Mé náa kí lɔg ńtsɔ́’ ncwò pÿé té lǎŋ mbwo ye.

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.