Ŋwà’ne Ngyà jʉ’ 12:4 - Nouveau Testament en Ngienboum

⁴ À la ne ńdɔgɔ nku wé ńjÿɔgɔ tà’ nzsè ná Mecÿɔ́’ saŋ nzsè tá, ḿbÿɛɛ ndùmo ssé tsetsá’, ńtyé mvfò manzwě wá, ńne ḿbyɛ́bɛ pá’ à ge zyé à gwóon ńkaa múɔ ḿmi.

Ŋwà’ne Ngyà jʉ’ 12:4 ပူးပေါင်းရင်းမြစ်များ

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 12:7

Ncù lêen ńké ńgwe tÿǒ lepwó, Méshÿɛɛ, tándá *mecÿɔ́’ Ssé, lɔg *mecÿɔ́’ Ssé pie ée nzèm yé, ḿma’ ntí máamáa nnù ngém ya lê ncù. Máamáa nnù ngém ŋwɛ́ lɔg mecÿɔ́’ pé, ńdÿɔ́’ɔ Méshÿɛɛ lê ncù.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 13:2

Nɔ̀ɔn gẅie n da gyá à la gwɔ́ pɔ́ pá’ ŋɔ́ɔn ŋʉ́, mekwò mé gwɔ́ pá’ me tsɔ́ máamáa tsò, ncwò wé gwɔ́ pá’ we pú’ ntʉ̀. Máamáa nnù ngém wa ná metʉ̀ mé mbwo yé, ńnáa lʉŋe lefùɔ yé né yé, ńnyé lésá’ pʉ̀a mbwo yé.

Ŋwà’ne Ngyà jʉ’ 13:4

Pɔ́ gu’te nnù ngém ya, á nue à ka nyé lésá’ pʉ̀a á mbwo nɔ̀ɔn, ńne ńgu’te nɔ̀ɔn, ńgɔɔn ngie: À wɔ̌ gẅiin tʉ̀ pá’ nɔ̀ɔn? Ńgwɔ́ wɔ̌ ma’a yé lê ncù?

Ŋwà’ne Ngyà jʉ’ 16:13

N gyá tsɔ̌ *ssé tepòŋ fóo ncwò máa nnùngém ńkẅɛ, yetsɔ̌ fóo ncwò nkʉ̀’ʉ nɔ̀ɔn ńkẅɛ, yetsɔ̌ fóo ncwò *ntsẅì nkʉ̀ Ssé we cÿɔ̌ nò ńkẅɛ, tà pɔ́ gwɔ́ metá, ńgwɔ́ pɔ́ pá’ metetɔ́’ la,

Ŋwà’ne Ngyà jʉ’ 17:18

Manzwě gẅie ɔ̀ ně ńgyá, á lɔgɔ ńgwɔ́ máamáa tÿǒsoŋ gie á sá’a mefùɔ pie ée ndùmo ssé tsetsá’.

Ŋwà’ne Ngyà jʉ’ 20:2

ńgwoon máamáa nnù ngém ya, á yé gẅie aa nnù ya gie e la fó tàa fʉ̀’e mvfò la, yé gẅie aa ndêbele, ńgíŋ ńgwɔ́ Sátà la, ńdɔgɔ tsɛ̂n wa ńkwɛ́ɛ yé pá’ à ge ké gwɔ́ pɔ́ me nkÿo nà ngù’ ntsá’,

Ŋwà’ne Ngyà jʉ’ 8:10

*Cÿɔ́’ Ssé mbɔ́ɔntè yétá tóŋ wé ntàŋ. Atsɔ̌ máamáa cÿɔ́’ saŋ fóo lefàŋ ńgwe, ńne ńkÿó pá’ máamáa nkà’ mmɔ̌g gẅie mé lǐɛ la, ńgwe pú’u, ná tà’ nzsè nà memí nzsè tá tà mbɔɔ ná mesá’a ntse.

Ŋwà’ne Ngyà jʉ’ 8:11

Lezíŋ wɛ̌ cÿɔ́’ saŋ gwɔ́ lé melẅe mie ée mecÿɔ́b, tà’ nzsè ná mentse nzsè tá cʉ́’ melẅe ŋwɛ́ mie ée mecÿɔ́b. Epʉ̀a mesoŋ tà ńgyɔ́ɔn kwéte ńtí pá’ pɔ́ nǔ wɛ̌ ntse gẅie é cʉ́’ʉ ńdẅe lẅe.

Ŋwà’ne Ngyà jʉ’ 8:12

*Cÿɔ́’ Ssé mbɔ́ɔntè lekùa tóŋ wé ntàŋ. Ammó cʉa ná tà’ nzsè lejÿɔ́g nèm á nà nzsè tá, ńcʉa ná tà’ nzsè lejÿɔ́g saŋ á ná nzsè tá, ńcʉa ná tà’ nzsè mecÿɔ́’ saŋ á ná nzsè tá légwɔ́ gie pɔ́ ge cʉ́’ʉ lékyɛ’ jʉ’, tà’ nzsè pyé mǒ á nà nzsè tá, mbɔɔ pá’ fʉ̀’e zsó ge pyé tà’ nzsè nèm, afʉ̀’e lêtsẅɛ́’ à gíŋe ḿbyé yé tà’ nzsè ná saŋ lâ mecÿɔ́’ saŋ á nà nzsè tá.

Ŋwà’ne Ngyà jʉ’ 8:7

Ndùŋ mvfò tóŋ wé ntàŋ. Mé ma’ megẅì lê mmɔ̌g á ndùmo ssé tsetsá’. Á gwɔ gwɔ́ mbà mé temté metse mǒ. Tà’ nzsè á nà ndùmo ssé tsetsá’ nzsè tá, pú shÿó lê metÿǒ, lâ legǐ gẅie à ne sẅéte.

Ŋwà’ne Ngyà jʉ’ 8:8

Mbɔ́ɔntè yépʉ́a tóŋ wé ntàŋ. Etsɔ́ ntí máamáa lekwɛ́ sie mé těm mmɔ̌g mǒ, mé zé’e ḿma’a tsɛ̀ɛ ntse té pàa. Tà’ nzsè ntse té pàa nà menzsè méntá sele ńcʉ́’ metse.

Ŋwà’ne Ngyà jʉ’ 8:9

Tà’ nzsè ná shúm sie ée ntse tà ńŋele ŋele á nà nzsè tá pú ńdége. Tà’ nzsè nà mestíma nzsè tá pú ńtágte.

Ŋwà’ne Ngyà jʉ’ 9:10

Menku mɔ́b lâ mesisìŋ mɔ́b gwɔ́ pɔ́ pá’ mengɔɔn ssé la. Metʉ̀ mɔ́b lélɔg ńná pʉ̀a ngʉ̀ngʉ̀ á nà mesaŋ métʉ̀a éfó ná menku mɔ́b.

Ŋwà’ne Ngyà jʉ’ 9:19

Á nue metʉ̀ melÿóon é gwɔ́ pɔ́ ncwò pɔ́b, mbɔɔ ná mesǎŋ mɔ́b. Mesǎŋ mɔ́b gwɔ́ pɔ́ pá’ mennú la, ńgẅiin metwó, ńdɔgɔ pɔ́ mɛ̌ ńgÿo nò tepòŋ.