Ŋwà’ne Ngyà jʉ’ 11:8 - Nouveau Testament en Ngienboum

⁸ Mepfó mɔ́b ge gÿo nuŋte ná lǎŋ gie áa tsɛ̀ɛ máamáa tÿǒsoŋ. Mé lɔg ntí gie e Ssé lɔg ńgyá yé mmó, ńtóŋo wɛ̌ máa tÿǒsoŋ lê Sodom, mbɔɔ lê Egipto. Á gwɔ́ jʉ’ gie mé la zɔɔn ńkime Cʉ̀apʉ̀a wɔb ná tÿǒ nkǐ wó.

Ŋwà’ne Ngyà jʉ’ 11:8 ပူးပေါင်းရင်းမြစ်များ

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Megàŋ ntúm 9:4

Á tsɔ́’ɔ ńgwe ssé, ńjú’ ngyè nyìŋ gɔɔn né yé ngie: Sɔ̂l, Sɔ̂l, ɔ̀ tsɔ́’ɔ kwò yɔ́ɔn té poŋ mélà’a kɔ́?

Heber 13:12

Áa mmó gie á la gÿo, mbɔɔ Yěsô yé gwɔ́ lɔg metse mé é gÿo pʉ̀a mesoŋ cʉ́’ pʉ̀a Ssé, á kwé pɔ́ nzème pǐ, tà à tè kwé tÿǒsoŋ wɔ́. Áa jʉ’ gie à la gyá ngɔ́’ wó.

2 Piɛ 2:6

E Ssé la gíŋe ńtém ngɔ́’ ná pʉ̀a tÿǒsoŋ Sodom lâ ná pʉ̀a tÿǒsoŋo Gomor ńdɔg mmɔ̌g ḿbyága wɔ́b, ńdɔgɔ ńnyɛɛ pʉ̀a tepòŋ fʉ̀’ mmó gie á ge gÿo tóo ná pɔ́b.

Jẅide 1:7

pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.

Ŋwà’ne Ngyà jʉ’ 11:13

Pɔ́ ne ńkwɔ́’ɔ pú’u, atsetsá’ pú ńcʉ’e tɛ’. Tà’ nzsè tÿǒsoŋ á nà nzsè legém á kème. Tsetsá’ cʉ́’e pú’u, ńzẅete pʉ̀a mesoŋ ntsá’ sɔɔn mbʉ́a. Apfwɔ́’ɔ pʉ̀a pie pɔ́ tsẅɛ̌, á gyá ḿbɔ́g, ńnáa legú’ mbwo Ssé gẅie à ńnéŋe tÿǒ lepwó.

Ŋwà’ne Ngyà jʉ’ 11:9

Epʉ̀a mesoŋ mentí mentí, epʉ̀a ná mengẅɛ̀ mengẅɛ̀, pàshwóŋó meshwóŋè ntí ntí, mbɔɔ pà tèzsé Ssé ge lá’ gyá pá’ mepfó mɔ́b nuŋte gyá nà lyɛ̌’ tá lê kèm, é piŋ ké le zẅíŋ ngie mé kaa pfó sɔ́b ńnéŋe tsɛ̀ɛ mesyè wó.

Ŋwà’ne Ngyà jʉ’ 14:20

Mé fó tsɛ̀ɛ tÿǒsoŋ ńkẅɛ tá ńgyá yɛ̌ gÿǒon. Mé lêen ńtsẅɛ́’ mentɔ̌ɔn ŋwɛ́ tsoló, metse zɔ̌ fó tsɛ̀ɛ gÿǒon ŋwɛ́ ńkẅɛ, ńcwóŋo nà mekílomíta nkÿo tá, lecǔ ssé gwɔ́ tà’ míta nê kèm.

Ŋwà’ne Ngyà jʉ’ 14:8

Atsɔ̌ *cÿɔ́’ Ssé, ńgwɔ́ mbɔ́ɔntè yépʉ́a pɔ́ɔnte ńne ńgɔɔn ngie: À kéen ńgwe ssé, ńgie à kéen ńgwe ssé. N gɔɔn máamáa tÿǒsoŋo Mbabilonia, gẅie à ka ne ńgÿo ngwòŋo ngwòŋ ne ńnúu melù’ mpfwɔ́’ mé, é mpfwɔ́’ gie é pǔ ńtɔ́g ntí.

Ŋwà’ne Ngyà jʉ’ 16:19

Máamáa tÿǒsoŋ wɛ̌ shʉ́ate nzsè tá. Metÿǒsoŋ mie ée ngwòŋo ngwòŋ é keme. E Ssé lêen ńké ńkímte máamáa tÿǒsoŋo Mbabilonia, ńgÿo á nú ntú’ melù’ gyáŋa lóŋ yé gie á pú ńgá’.

Ŋwà’ne Ngyà jʉ’ 17:1

Mèŋ m biŋ ńgyá tsɔ̌ tà’ ná *mecÿɔ́’ Ssé sɔɔn mbʉ́a pie é la gẅiin mentú’ sɔɔn mbʉ́a la tó ńgɔɔn né mèŋ ngie: Tóo, mèŋ n ge nyɛɛ gú pá’ Ssé ge gÿo néŋ ngʉ̀ngʉ̀ twó máamáa ngàŋ mpfwɔ́’ manzwě pú’u. Á máamáa tÿǒsoŋ gie mé la kwɛ́ɛ ngʉ̀ŋe mentse tà ńgyɔ́ɔn la.

Ŋwà’ne Ngyà jʉ’ 17:18

Manzwě gẅie ɔ̀ ně ńgyá, á lɔgɔ ńgwɔ́ máamáa tÿǒsoŋ gie á sá’a mefùɔ pie ée ndùmo ssé tsetsá’.

Ŋwà’ne Ngyà jʉ’ 17:5

Mbà mé la ŋwe’e tsɔ́ lezíŋ nà zǐ yé. Lezsě mmó gie é lɔgɔ ńgɔɔn á tʉ tɛ’. Lezíŋ ŋwɛ́ lɔgɔ ńgwɔ́ ngie máamáa tÿǒsoŋ Mbabilonia, má pà pà ngÿò mpfwɔ́’ mbɔɔ ntí ntí menò tepòŋ mie ée ndùmo ssé tsetsá’.

Ŋwà’ne Ngyà jʉ’ 18:10

Pɔ́ ge gÿo tyé pɔ́ tàa ngʉ̀a shʉ̀shʉ̀a, á nue pɔ́ ne ḿbɔ́gɔ ngʉ̀ngʉ̀ gie e kǔ yé, é ne gɔɔn ngie: Ɔ̀ɔ shÿó tepòŋ. Ɔ̀ɔ shÿó tepòŋ. Gù máamáa tÿǒsoŋ Mbabilonia. Ɔ̀ kaa wó tɛ’. Ndòon jù gwǒon gú, é ge gwaa cʉa tà’ áwà mbɔɔ mǎg.

Ŋwà’ne Ngyà jʉ’ 18:18

ńne ńgyá ndyé mmɔ̌g gẅie éfóo ná tÿǒsoŋ pá’ á ne shÿó, ńne ńga’te ńgɔɔn ngie: Yɛ̌ tÿǒsoŋ kaa gwɔ́ gie á lɔɔn ńgwɔ́ á gwɔ́ pá’ máamáa tÿǒsoŋ?

Ŋwà’ne Ngyà jʉ’ 18:2

Á lɔg ngyè tetʉ́ʉ ńgɔɔn ngie: À kéen ńgwe ssé. N gɔ̌ɔn ngie à kéen ńgwe ssé. N gɔɔn máamáa tÿǒsoŋo Mbabilonia. Mbabilonia kéen ńcʉ́’ mbʉ̀a *messé tepòŋ, ńcʉ́’ nkʉ̀a mezẅìge tepòŋ ntsèm, mbaa ye meshʉ́ŋ pie nzse ée ná pɔ́b, á lépfɛ́, mé piŋ tè nò yɔ́b kwòŋ,

Ŋwà’ne Ngyà jʉ’ 18:21

Atsɔ̌ *cÿɔ́’ Ssé gẅie à gẅiin metʉ̀ tɛ’ lêen ńké ńkaa tsɔ̌ máamáa tóon, á zɛ pá’ lùŋo mesaŋá la, ńgwaa zé’e ma’a tsɛ̀ɛ ntse té pàa, ńne ńgɔɔn ngie: Á lɔɔn ńgwɔ́ gie mé ze’é wɔɔn tóon, ḿma’, á gwe ntse lê tʉ̀ lêkɔ́ wɔ́, mbà áa ndʉŋ ndʉŋ pá’ mé ge gÿo zé’e gù Mbabilonia, máamáa tÿǒsoŋ, é ma’, ɔ̀ gwe jú pú’u. Mé piŋ le lá’ ńgíŋe ńgyá gú wɔ́.

Ŋwà’ne Ngyà jʉ’ 18:24

Mbɔɔ nue mé ka tóo mbʉ̀a gù, ńgyá metse pà *ntsẅì nkʉ̀ Ssé, ńgyá me pʉ̀a Ssé mbɔɔ me pʉ̀a metsèm pie mé la zẅéte wɔ́b ndùmo ssé tsetsá’.