Ŋwà’ne Ngyà jʉ’ 11:7 - Nouveau Testament en Ngienboum

⁷ Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Ngyà jʉ’ 11:7 ပူးပေါင်းရင်းမြစ်များ

Lukase 13:32

Yěsô gɔɔn né pɔ́b ngie: Pi gʉa ńgɔɔn né mengyé shʉ̀shʉ̀ áwɛ̌ ngie: Mèŋ, n kě ńnyé ńgẅiin lyɛ̌’ɔɔn, mbɔɔ jǔɔ lélɔg ńjwoŋ *messé tepòŋ mie é pue pʉ̀a, é piŋ gíŋ gÿo megàŋa gùɔ zeŋe. À gwɔ́ nà mbɔ́ɔntè lyɛ̌’ tá, m mege fà’ yɔ́ɔn.

Lukase 8:31

*Messé tepòŋ ŋwɛ́ sẅíŋte Yěsô ngie, tà á túmo wɔ́b tsɛ̀ɛ pÿé.

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

Ŋwà’ne Jâŋ 19:30

Á sẅíte ńgɔɔn ngie: Ayɔ́ɔn fà’ magá, ńdeen ńké ńcʉ́ŋe twó yé, ńkwé.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

2 Timote 4:7

N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

Ŋwà’ne Ngyà jʉ’ 11:3

ńgʉa ná pʉ̀a pɔɔn mépʉ́a pie pɔ́ ge gɔɔn nò gie pɔ́ zsé ná mèŋ, mbà mèŋ n ge gÿo náa wɔ́b metʉ̀ lélɔg ńtsẅi nkʉ̀ wɔ̀ɔn. Pɔ́ ne ńtsẅii, ḿma’ menzsǒ lɔg ńdúŋ legwé ma’ nà melyɛ’ɛ́ lá’ ntsá’ lê nkÿo pʉ́a lê móm ntɔgɔ́ (1.260).

Ŋwà’ne Ngyà jʉ’ 12:17

Lóŋ máamáa nnù ngém wá pú ńgyáŋ ńtí manzwě wá tɛ’. Nnù ngém gʉa ńdɔg ncù ńcʉ́’ ńdÿɔ́’ pɔ́ pfwɔ́’ɔ ngẅɛ̀ manzwě wa, epʉ̀a pie pɔ́ ne ńkú’te mbʉ̌ Ssé, ḿbiŋ ńne ńkímte nò nénʉ́ gie Yěsô la gɔɔn.

Ŋwà’ne Ngyà jʉ’ 13:11

Mèŋ m biŋ ńgyá wetsɔ̌ nkʉ̀’ʉ nɔ̀ɔn ne fóo tsɛ̀ɛ tsetsá’ ńkẅɛɛ. Mendóŋ mé gwɔ́ mémbʉ́a pá’ me mûɔ *Njʉ̀njÿò, tá á ne ńgɔɔn nò pá’ máamáa nnù ngém la.

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.