Ŋwà’ne Ngyà jʉ’ 11:3 - Nouveau Testament en Ngienboum

³ ńgʉa ná pʉ̀a pɔɔn mépʉ́a pie pɔ́ ge gɔɔn nò gie pɔ́ zsé ná mèŋ, mbà mèŋ n ge gÿo náa wɔ́b metʉ̀ lélɔg ńtsẅi nkʉ̀ wɔ̀ɔn. Pɔ́ ne ńtsẅii, ḿma’ menzsǒ lɔg ńdúŋ legwé ma’ nà melyɛ’ɛ́ lá’ ntsá’ lê nkÿo pʉ́a lê móm ntɔgɔ́ (1.260).

Ŋwà’ne Ngyà jʉ’ 11:3 ပူးပေါင်းရင်းမြစ်များ

Matio 11:21

Á gɔɔn né pɔ́b ngie: Ndoon ee twó pi pʉ̀a Kolazîŋ, mbɔɔ twó pi pʉ̀a Mbetsayida, menò mɔ̀ɔn mie mé la gÿo tsetsɛ̀ɛ pi, é laa pé’e ńgwɔ́ pɔ́ tsɛ̀ɛ tÿǒsoŋ Tir pɔ́ Sidoŋ, mbà pɔ́ leen ńdá’ ńkúbe mà, ḿmÿɔ́g, éshʉa mepɔ́ɔn ḿma’, ńzɔ́’ɔ pfó ńdɔg ńdúŋ

Matio 18:16

Tá’ ńké tè jù’ ɔ̀ fa’a tà’ nyìŋ ka pʉ̀a mépʉ́a wɔ́, ńzsé «ngie mé ge gwɔ shwóŋó yɔɔn nò pànjÿò ngyá é gwɔ́ ssé mépʉ́a ka métá wɔ́».

Lukase 10:13

Yěsô gíŋe ngie: Ndoon twó pi pʉ̀a Kolazîŋ, mbɔɔ twó pi pʉ̀a Mbetsayida. Menò mmɔɔn mmɔɔn mie mé la gÿo lá’ pi, é laa pé’e ńgwɔ́ pɔ́ tsɛ̀ɛ tÿǒsoŋ Tir pɔ́ Sidoŋ, mbà pɔ́ léen ńdá’ ńkúbe mà, ḿmÿɔg, éshʉa mepɔ́ɔn ḿma’, ńzɔ́’ɔ pfó, ńdɔg ńdúŋ légwé.

Lukase 24:48

Pi pɛ zɔ ké ńgwɔ́ pànjÿò ńgyá, á lélɔg menò ŋwɛ́ saa lá’.

Ŋwà’ne Jâŋ 15:27

Pi gí gíŋe ńgwaa shwóŋó nò gie pi zsé ná mèŋ, à gwɔ́ pɔ́ pá’ pege zɔ gwɔ́ tà fó nzyetě.

Ŋwà’ne Jâŋ 3:27

Jâŋ tsɔ́’ɔ mbwo pɔ́b ngie: E Ssé gẅie aa tÿǒ lepwó zɔ náa fà’ ye wɔ̌wɔ́ɔ.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 13:31

Á lɔg melyɛ̌’ tà ńgyɔ́ɔn, ńnyɛ mbùm ye á mbwo pʉ̀a pie pâ pɔ̌ la fóo Galilea ḿbúte ńgʉa Yerósalem. Pɛ̌ pʉ̀a ŋwɛ́ ee fʉ̀’ɔɔn ńgwɔ́ pé pàjÿò ńgyá á mvfò lá’.

Megàŋ ntúm 2:32

*Nzà’nkÿo aa Yěsô. E Ssé ka zíme yé nà legwé, peg pɔɔn metsèm ne shwóŋó yɔɔn nò, á gwɔ́ nò gie peg ka gyá.

Megàŋ ntúm 3:15

Pi ka gÿo pú’u, ńzẅé nyìŋ gẅie yé zɔ gÿo tá mé gwɔ́ wó. Tá e Ssé ké ńzíme yé nà legwé tà peg gyá yé lê nÿɔ́g még, peg ne sá’a shwóŋó gẅí.

1 Korento 12:28

E Ssé la cʉ́’ʉ létaŋte cú’tè yé, ḿvɔg ńzáb megàŋ ntúm, ḿbɔ́ɔnte ńzáb pà ntsẅì nkʉ̀ pie é fóo mbwo yé, ḿbɔ́ɔnte ńtÿɔ́g pà zí’i pʉ̀a nò Ssé, mé fó ná pɔ́b ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo menò mmɔɔn mmɔɔn, ḿbɔ́ɔnte ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo megùɔ zeŋe, mé fó ná pɔ́b ńgyá pʉ̀a pie ayɔ́b fù’ áa lékẅéte petsɔ́ pʉ̀a mbɔɔ pʉ̀a pie pɔ́ táŋte cú’tè, tà mbɔɔ pʉ̀a pie à la cÿó gem yɔ́b á gwɔ́ pá’ pɔ́ ge shwóŋó meshwóŋè mie pɔ́ laa zí’i.

2 Korento 13:1

Mèŋ n ge tóo mbʉ̀a pi fʉ̀’ɔɔn e lɔgɔ ńgwɔ́ ngʉ̀a ntá, é tó mé gwɔ́ ŋág mbɔɔ yɛ̌ ntsaŋ wɔ́, é zẅí’te nò ncwò pʉ̀a mépʉ́a kà pʉ̀a métá wɔ́ pá’ ŋwà’ne Ssé ne ńgɔɔn.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 11:2

Tá à ké ńgʉa ná tetʉ́a jʉ’e Ssé gie áa nzème pǐ, ɔ̀ nyé té fʉ’. Á nue mé la náa yɛ̌ tetʉ́a mbwo mengwòŋ mie é té Ssé zsé, tà pɔ́ ge gÿo neŋte tÿǒsoŋ Ndʉalʉ̌a neŋte nà mesaŋ ntsɔ̀b pʉ́a lê móm lekùa,

Ŋwà’ne Ngyà jʉ’ 11:6

Pɔ́ gẅiin metʉ̀ lélɔg ńkíle mbʉ̀ŋ lefaŋ, á nà ntí gie mbʉ̀ŋ tě ge lúu nà melyɛ̌’ mie pɔ́ ne ńtsẅii nkʉ̀ Ssé wɔ́. Pɔ́ gíŋ ńgẅiin metʉ̀ lélɔg sele ntse é cʉ́’ metse, ńgíŋe ńku’ pá’ pɔ́ lɔɔn ńkwoŋ fʉ̀’ʉ kɔ́ wɔ́, pɔ́ gÿo ngɔ́’ ntí ntí tóo ndùmo ssé tsetsá’.

Ŋwà’ne Ngyà jʉ’ 12:6

Manzwě wa lêen ńké ńkÿo ńgʉa né nkwòŋo tsẅɛ, á nà jʉ’ gie Ssé la nyɛte pá’ à ge ńnéŋe wó, ńzsé ngie mé ge nyɛte jÿɔ́gɔ yé jÿɔ́g nà melyɛ̌’ lá’ ntsá’ lê nkÿo pʉ́a lê móm ntɔgɔ́ (1.260).

Ŋwà’ne Ngyà jʉ’ 13:5

Mé ná ncwò gẅie à ge lɔg fwɔ’te meshwóŋè ngwág, mbɔɔ pá’ à ge lɔg zoonte Ssé né yé, ńnyé yé pá’ à ge sá’ sé lefùɔ á nà mesaŋ ntsɔ̀b pʉ́a lê móm lekùa.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.