Ŋwà’ne Ngyà jʉ’ 11:1 - Nouveau Testament en Ngienboum

¹ Mé gɔɔn pú’u, tà á ku’, mé ná tsɔ́ ntí kekà’a, á gwɔ́ pá’ kème mmó gie mé lɔgɔ fʉ’ʉ mmó, ńgwɔ ná, ńne ńgɔɔn né mèŋ ngie: Lu ssé éfʉ’ʉ *jʉ’ʉ Ssé gie áa Yerósalem, éfʉ’ mbɔɔ jʉ’ gie mé nuŋe pwɔ́’ wó, ésáŋ nzẅìŋ pʉ̀a pie pɔ́ ée tsoló ńne ńgu’te Ssé.

Ŋwà’ne Ngyà jʉ’ 11:1 ပူးပေါင်းရင်းမြစ်များ

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Ŋwà’ne Ngyà jʉ’ 10:11

Mé pɔ́ɔnte ńgɔɔn né mèŋ ngie: Á ne ńzɛ́te ngie ɔ̀ gíŋe ńgʉa ńtsẅi nkʉ̀ Ssé mbwo pʉ̀a ntí ntí, á mbwo ngwòŋo ngwòŋ, á mbwo pʉ̀a pie é shwóŋó meshwóŋè mentí mentí, mbɔɔ mbwo mefùɔ tà ńgyɔ́ɔn.

Ŋwà’ne Ngyà jʉ’ 21:15

*Cÿɔ́’ Ssé gẅie à la ne ńgɔɔn nò né mèŋ gẅiin kème mmó gie mé lɔgɔ fʉ’ʉ mmó, mbà mé la lɔgɔ tʉ̀ gɔ̂l ńnyɛte, á ne ńge lɔg fʉ̀’ʉ tÿǒsoŋ, éfʉ̀’ mencwò, éfʉ̀’ mbɔɔ tʉ́a nká’ gẅie à la kéle tÿǒsoŋ.