Ŋwà’ne Ngyà jʉ’ 10:6 - Nouveau Testament en Ngienboum

⁶ ńdɔgɔ lezíŋ nyìŋ gẅie aa ńgwɔ́ pɔ́ wó á nà ngù’ nkɔ́ɔn nê nkɔ̌ɔn, yé gẅie à la nyɛte lefaŋ mbɔɔ kɔ̀ɔkɔ́ɔ gie áa tsoló, yé gẅie à la nyɛte tsetsá’ mbɔɔ kɔ̀ɔkɔ́ɔ gie áa ndùmo, yé gẅie à la nyɛte ntse té pàa mbɔɔ kɔ̀ɔkɔ́ɔ gie áa tsoló, ńkʉa, ńgɔɔn ngie atsɔ̌ légíŋe ńzẅí’te à tè nyé ńgwɔ́ wó wɔ́.

Ŋwà’ne Ngyà jʉ’ 10:6 ပူးပေါင်းရင်းမြစ်များ

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 12:12

Pú’u la, atÿǒ lepwó lâ pʉ̀a pie pɔ́ ńnéŋe wó, pi kág. Tá ńgʉa nà ndùmo ssé tsetsá’ mbɔɔ ntse té pàa, anò yɛ gie á kě ńgÿo gẅi lɛ. Á nue ndebele sẅɛ̌’ ńtó ńtsɛ́ɛ gẅí, lóŋ we ne ńgyáŋa tɛ’. Á ne ńzsé ngie à tè gíŋe fa’a yé fà’ tà ntyě sag wɔ́.

Ŋwà’ne Ngyà jʉ’ 16:17

*Cÿɔ́’ Ssé mbɔ́ɔntè sɔɔn mbʉ́a pfɛte ye ntú’ tÿǒ tsɛ̀ fÿɔ́g. Etsɔ̌ ngyè tetʉ́ʉ fóo ná lʉŋe lefùɔ gie áa tsɛ̀ɛ jʉ’e Ssé ńkẅɛ, ńgɔɔn ngie: Á zsoté

Ŋwà’ne Ngyà jʉ’ 21:6

ńgíŋ ńgɔɔn né mèŋ ngie: Á zsoté. Mèŋ n gee Alfa, ńgwɔ́ Omega, ńgwɔ́ ndùŋ mvfò, ńgwɔ́ nzsònzèm. Agága nyìŋ lɔɔn ńne shÿó, mbà mèŋ n ge ná ntse gẅie é gÿo mé ké ńgwɔ́ pɔ́ wó á mbwó yé. Wɛ̌ ntse fóo nà lesa’á ntse sɔ́ɔn, mèŋ n ge ná pɔ́ sẅɛɛ sẅɛɛ.

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Ŋwà’ne Ngyà jʉ’ 6:11

Mé lêen ńké ńnáa fɔ́gɔ zsǒ mbwo wɔ̌wɔ́ɔ ná pɔ́b, ńgɔɔn né pɔ́b ngie pɔ́ ná’a ńgíŋe ḿbʉ́le ńzẅí’te méjʉ’, apfwɔ́’ɔ mefɛ́ pɔ́b pie pâ pɔ̌ kɔ́ɔn ḿbú fa’a fà’a Ssé, é tó tà ḿmag, á nue á ne ńzɛ́te ngie me gíŋe ńzẅéte wɔ́b yɔ́b pá’ pɔ́b.