Ŋwà’ne Ngyà jʉ’ 10:5 - Nouveau Testament en Ngienboum

⁵ *Cÿɔ́’ Ssé gẅie mèŋ n ne ńgyá yé á tyé ńtÿɔ́gɔ kwò yé ndùm ntsè té pàa, yetsɔ́ gwɔ́ ndùmo tsetsá’ la, á ka’a pwó yé ye tʉ̀ ńnáa tÿǒ ńne ńkʉa,

Ŋwà’ne Ngyà jʉ’ 10:5 ပူးပေါင်းရင်းမြစ်များ

Megàŋ ntúm 14:15

Meshǔ pég, pi fa’a légÿo kɔ́ pɛ́’ɛ̀? Peg léen ńgwɔ́ pɔ́ pʉ̀a mesoŋ pá’ pi! Peg tǒ pɔ́ létsẅi nkʉ̀ mbòŋo mbwo pi, é gwɔ́ ngie pi gwá’ messé mɛ́ mie é té tsɔ́ mmó ku’, ésele nnɛ́ ńtó ńkẅɛ́te Ssé gẅie aa ntentʉ́. Yé zɔ la gÿo tÿǒ lépwó pɔ́ tsetsá’, mbɔɔ ntse tê pàa, tà mbɔɔ shúm ntsèm sie ée wó.

Megàŋ ntúm 17:23

Mèŋ n gwǎ ne giŋe tsɛ̀ɛ tÿǒsoŋ gí, ńgyá mendá messé mí gyǎ, tà ńgyá tsɔ̌ gwɔ́ wó, mbà mé la ŋwe’e mǒ ngie: Yɔɔn áa jʉ’ʉ ssé gie peg kaa lezíŋ sé zsé. Áa yɛ̌ tá, yɛ̌ Ssé gie pi tsẅé ńgu’te yé té zsé yé la, mèŋ n tóo pá’ɔɔn léshwóŋó gẅi nò yé.

Roma 1:20

Á zɔɔn ńgwaa gwɔ́, mbà tá fó pá’ e Ssé la nyɛ́te njÿó, mé fó nà shúm sie à la nyɛ́te, ńzsé ngie aa Ssé, tà mbɔɔ pá’ mé té gyá yé lê nÿɔ́g wɔ́. Mé zsé metʉ̀ mé mie é téen ńdá’a maga wɔ́. Á cʉa pú’u, ńgwɔ́ pʉ̀a mésoŋ le lá’ ngie pɔ́ la tè ne ńzsé Ssé wɔ́ wɔ́.

Heber 6:13

Pi zɔ̌ɔn ńzsé ngie e Ssé la ka’a mmó mbwo Ábalam. Pá’ tsɔ́ nyìŋ gẅie à fǎŋ ńtɔ́gɔ yé Ssé, tà à lɔɔn ńgwɔ́ á lɔgɔ yé ńkʉa tè wó wɔ́ la, yé Ssé lɔgɔ kwà’ twó mbùm yé ńkʉa,

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 10:2

À la gẅiin tsɔ̌ mûɔ méŋwà’ne mbwó yé, á gwɔ́ we nkyɛ’té, ńzé’e kwò yé ye tʉ̀ ńtÿɔ́gɔ ndùm ntse té pàa, ńtÿɔ́gɔ ye kyɛ̀bɛ á ndùmo ssé tsetsá’,

Ŋwà’ne Ngyà jʉ’ 14:7

Á ne ńdɔgɔ ngyè tetʉ́ʉ ńgɔɔn ngie: Pi pɔ́g Ssé, ńnáa legú’ mbwo yé. Á nue afʉ̀’ gie à ge ŋag pʉ̀a mesoŋ áa pá’ɔɔn, mbà á kǔ’. Pi gu’te nyìŋ gẅie à la nyɛte lepwó, ńnyɛte tsetsá’, ńnyɛte ntse té pàa, ńnyɛte mbɔɔ mesá’a ntse.

Ŋwà’ne Ngyà jʉ’ 16:17

*Cÿɔ́’ Ssé mbɔ́ɔntè sɔɔn mbʉ́a pfɛte ye ntú’ tÿǒ tsɛ̀ fÿɔ́g. Etsɔ̌ ngyè tetʉ́ʉ fóo ná lʉŋe lefùɔ gie áa tsɛ̀ɛ jʉ’e Ssé ńkẅɛ, ńgɔɔn ngie: Á zsoté

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,