Ŋwà’ne Ngyà jʉ’ 10:1 - Nouveau Testament en Ngienboum

¹ E Ssé gíŋe ńnyɛ́’ nÿɔ́g mɔ́ɔn, n gyá tsɔ̌ *cÿɔ́’ Ssé gẅie à gẅiin metʉ̀, á ne fóo lepwó sẅɛ́’ɛ, etsɔ̌ ntí melɔ́ɔn pwoon mbùm ye pá’ nzsǒ pwoon mbùm nyìŋ la. Nkwòŋ nnù ngém zéme twó yé. Eshÿó wé gwɔ́ pá’ lejÿɔ́g nèm la. Mentɔ́ɔn mé gwɔ́ pá’ melʉ́me mmɔ̌g mie é pʉ’ʉ́ nnɛ́ ńtyé tyé la.

Ŋwà’ne Ngyà jʉ’ 10:1 ပူးပေါင်းရင်းမြစ်များ

Matio 17:2

Pɔ́ gyá àliŋé Yěsô pú sele mvfò pɔ́b, eshÿó wé ŋwʉŋe pá’ nèm la. Menzsǒ mé pú fɔ́g tà ńkyɛ’ jʉ’.

Lukase 21:27

Mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn ńne ńtóo, ńgẅiin shʉ́shÿɔ́g mbɔɔ máamáa metʉ̀.

Megàŋ ntúm 26:13

Nɔ̀ɔn temà’, mèŋ n gwɔ́ mánzsè pú’u, á nà mmó tsɛ̀ɛ zsǒ, ńgyá atsɔ́ mmó fó tÿǒ lepwó, ḿbú ńkyɛ’ jʉ’, ńŋwʉŋe tà ńcʉa lejÿɔ́g nèm, ńkyɛ’ɛ wéga pʉ̀a pie pega pɔ̌ kɔ’ɔ́ ńgwɔ́ mánzsè.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

Ŋwà’ne Ngyà jʉ’ 18:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá wetsɔ̌ *cÿɔ́’ Ssé fó tÿǒ lepwó sẅɛ́’, e sé lefuɔ fáŋ tɛ’, we shʉ́shÿɔ́g pú ńkyɛ’ɛ tsetsá’ ntsèm.

Ŋwà’ne Ngyà jʉ’ 18:21

Atsɔ̌ *cÿɔ́’ Ssé gẅie à gẅiin metʉ̀ tɛ’ lêen ńké ńkaa tsɔ̌ máamáa tóon, á zɛ pá’ lùŋo mesaŋá la, ńgwaa zé’e ma’a tsɛ̀ɛ ntse té pàa, ńne ńgɔɔn ngie: Á lɔɔn ńgwɔ́ gie mé ze’é wɔɔn tóon, ḿma’, á gwe ntse lê tʉ̀ lêkɔ́ wɔ́, mbà áa ndʉŋ ndʉŋ pá’ mé ge gÿo zé’e gù Mbabilonia, máamáa tÿǒsoŋ, é ma’, ɔ̀ gwe jú pú’u. Mé piŋ le lá’ ńgíŋe ńgyá gú wɔ́.

Ŋwà’ne Ngyà jʉ’ 20:1

M biŋ ńgyá atsɔ̌ *cÿɔ́’ Ssé fó tÿǒ lepwó ńne sẅɛ́’ɛ, ńgẅiin kí lɔg ńtsɔ́’ ncwò pÿé té lǎŋ, ńgíŋ ńgẅiin tsɔ̌ máamaa tsɛ̂n á pwó yé,

Ŋwà’ne Ngyà jʉ’ 4:3

À la ŋwʉŋe pɔ́ pá’ tsɔ̌ ntí metóon pie ée pe tʉ̀ nzẅìŋ, mé tóŋo tsɔ̌ lê Jaspe, ńtóŋo wetsɔ̌ lê Sardoine la. Nkwòŋ nnù ngém kéle lʉŋe lefùɔ ŋwɛ́ ńnéŋe soŋ ńne ŋwʉŋe pá’ tsɔ̌ ntí tóon tʉ̀ nzẅìŋ gẅie mé tóŋo lê Emerod.

Ŋwà’ne Ngyà jʉ’ 5:2

N gíŋe ńgyá tsɔ̌ *cÿɔ́’ Ssé gẅie à gẅiin metʉ̀, á gɔɔn lê ngyè tétʉ́ʉ ngie: Tà nyìŋ aa wó gẅie à lɔɔn ńgwɔ́ á ku’u nyìŋ gẅie ńgwɔ́ á nyɛ́’te lìi nŋwá’, ńkyɛ́’ɛ ŋwà’ne yɔɔn?

Ŋwà’ne Ngyà jʉ’ 8:13

N nyé ńdíe lǐe, ńjú’ atsɔ̌ máamáa gúm ndóŋ gẅie à la ne ńzie tàa tÿǒ á ne ńgɔɔn nê ngyè tetʉ́ʉ ngie: Pi ee pà shÿó tepòŋ. Pi ee pà shÿó tepòŋ. Pi ee pà shÿó tepòŋ. Pi pʉ̀a mesoŋ pie ée ndùmo ssé tsetsá’, ńtí ngyè mentàŋ mie *mecÿɔ́’ Ssé méntá nyé tá ńgee ńtóŋo.