Ŋwà’ne Ngyà jʉ’ 1:1 - Nouveau Testament en Ngienboum

¹ Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 1:1 ပူးပေါင်းရင်းမြစ်များ

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 15:15

Mèŋ n tè gíŋe ńtóŋo gẅi le pènkʉ́ wɔ́, á nue mênkʉ́ fà’ tè zsé mmó gie tá fà’ we ne ńgÿo wɔ́. Mèŋ n tóŋo gẅi le meshǔ pɔ́ɔn, mélà’mie ngwòŋo nò ntsèm gie mèŋ n ka jú’u mbwo Tá wɔ̀ɔn, mèŋ n gÿǒ pi zsé.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 3:32

À gɔɔn nò gie à zsé nà shúm sie à la gyá mbɔɔ sie à la jú’, tá nyìŋ tè zẅíŋ.

Ŋwà’ne Jâŋ 8:26

Mèŋ n gẅiin menò mie mèŋ n ge gɔɔn né pi tà é gyɔ́ɔn gyɔ̌ɔn, mbɔɔ mie mèŋ n ge ŋaga gẅi mǒ. Tá’ n gɔɔn mbwo pʉ̀a tsɛ̀ɛ njÿó pɔ́ mmó gie n da jú’u mbwo nyìŋ gẅie à la túmo wɔ̀ɔn. Àa ńké shwóŋó yé pɔ́ nò nénʉ́.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Galatia 1:12

Nyìŋ mesoŋ zɔ la zɔɔn tè cʉ́me wɛ̌ nkʉ̀ mbwo mèŋ wɔ́. Nyìŋ mesoŋ ké tè wɔ̀ɔn zí’i, Yěsô Kristo zɔ la gÿo mèŋ n zsé.

Efeso 3:3

À la kyɛ́’te mmó gie á la zɔɔn ńdyeen menÿɔ́g pʉ̀a lyeen, ńnyɛɛ wɔ̀ɔn, pá’ mèŋ n zɔ̌ɔn ńŋwe’e tsɛ̀ɛ yɔɔn ŋwà’ne éshwóŋó gẅi la. Mèŋ n kaa ŋwe’e á sag wɔ́.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Ŋwà’ne Ngyà jʉ’ 1:19

Pú’u la, pú ŋwe’e kɔ̀ɔkɔ́ɔ gie ɔ̀ gyǎ, á gie ɔ̀ ne ńgyá fʉ̀’ɔɔn mbɔɔ gie ɔ̀ ge piŋ tá gyá.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 17:1

Mèŋ m biŋ ńgyá tsɔ̌ tà’ ná *mecÿɔ́’ Ssé sɔɔn mbʉ́a pie é la gẅiin mentú’ sɔɔn mbʉ́a la tó ńgɔɔn né mèŋ ngie: Tóo, mèŋ n ge nyɛɛ gú pá’ Ssé ge gÿo néŋ ngʉ̀ngʉ̀ twó máamáa ngàŋ mpfwɔ́’ manzwě pú’u. Á máamáa tÿǒsoŋ gie mé la kwɛ́ɛ ngʉ̀ŋe mentse tà ńgyɔ́ɔn la.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Ŋwà’ne Ngyà jʉ’ 21:2

M biŋ ńgyá tÿǒsoŋo Ndʉalʉ̌a, á Yerósalem ye sẅé, á ne fóo lejʉ́ŋ Ssé sẅɛ́’ɛ, ńgwɔ́ pá’ nzwě ngʉ̀ gẅie à kẅǐŋ mbùm ye ńne ńzẅí’te ndǔm we la.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Ngyà jʉ’ 22:16

Yěsô ne ńgɔɔn ngie: Mèŋ n tumó cÿɔ́’ wɔ̀ɔn ngie à gʉa ńtsẅi mɔɔn menò mie ée nénʉ́ mbwo pi, ńzsé ngie mé ge gɔɔn mbwo mecú’tè pʉ̀a pɔ́ɔn. Mèŋ n gee lejÿɔ́g mmó sie é fóo nà leŋaŋ fùɔ Ndavíd, ńgwɔ́ cÿɔ́’ sàŋ gẅie à kwɔ̌’ ńjÿó gwóon ńdʉ́a.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.

Ŋwà’ne Ngyà jʉ’ 22:8

Mèŋ Jaŋ, n ka jú’ mɔɔn menò, ńgíŋe ńgyá. N ka jú’ mɔɔn menò ńgíŋe ńgyá pú’u, ńnuŋe mekwò *cÿɔ́’ Ssé légu’te yé, á *cÿɔ́’ Ssé gẅie à ka ne ńnyɛɛ wɔ̀ɔn mɛ̌ menò.

Ŋwà’ne Ngyà jʉ’ 22:9

Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ *ngàŋa kwò gù nà fà’, mbɔɔ we mefɛ́ pú pà *ntsẅì nkʉ̀ Ssé, mbɔɔ we pʉ̀a pie pɔ́ kú’te menò mie ée tsɛ̀ɛ yɔɔn ŋwà’ne. Gu’te pɔ́ Ssé.

Ŋwà’ne Ngyà jʉ’ 4:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.

Ŋwà’ne Ngyà jʉ’ 5:7

Mûɔ *Njʉ̀njÿò tóo lejʉ́ŋ nyìŋ gẅie à la ńnéŋe nà lʉŋe lefùɔ la, ńkẅé ŋwà’ne ŋwɛ́ gie à la gẅiin nà pwó yé ye tʉ̀.