Ŋwà’ne Jâŋ 9:39 - Nouveau Testament en Ngienboum

³⁹ Yěsô leen ńké ńgɔɔn ngie: Mèŋ, n ka tóo tsɛ̀ɛ yɔɔn njÿó ńtí tsɔ́ ŋàg, le gwɔ́ gie epʉ̀a pie é ne ńgyá jʉ’ ge gwɔ́ cʉ́’ mefʉ̀, mefʉ̀ gyá jʉ’.

Ŋwà’ne Jâŋ 9:39 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Matio 6:23

Tá menÿɔ́g mú piŋ ńgwɔ́ tà síŋ, mbà ɔ̀ ge cʉ́’ gwɔ́ pɔ́ tsɛ̀ɛ nzěm. Nÿɔ́g mú gwɔ́ tà síŋ pá’ mé gɔɔn lɔɔn, mbà ɔ̀ ge cʉ́’ gwɔ́ pɔ́ tsɛ̀ɛ mwòon nzém.

Lukase 1:79

ńkyɛ’ pʉ̀a pie é ńnéŋe tsɛ̀ɛ nzěm, legwé piŋ ńne nÿɔgɔ wɔ́b, é tsege wɔ́b ńnéŋe tsɛ̀ɛ sẅétè.

Lukase 13:30

Pi zsé ngie tsɔ́ pà gwɔ́ mvfò fʉ̀’ɔɔn ge lá’ cʉ́’ pà gwɔ́ nzèm, etsɔ́ pà gwɔ́ nzèm fʉ̀’ɔɔn lá’ ńgwɔ́ pà gwɔ́ mvfò.

Lukase 2:34

Simeon cʉ́me wɔ́b mbwo Ssé ńdêen ńké ńgɔɔn né Malîɛ ngie: Míŋ ɔ̀ wɔɔn aa pá’ɔɔn ńké ńgwɔ́ gẅie Ssé ge cʉa nzèm yé gÿo eshʉ́ kú pʉ̀a tà ńgyɔ́ɔn Israel wɔɔn, é piŋ gÿo mé ná mékù’ lelÿò pʉ̀a, mélà’mie aa nyìŋ gẅie Ssé lɔgɔ yé ńnyɛɛ mmó gie à ne ńgÿo, tá pʉ̀a mesoŋ ke ńgwága yé gwág.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Lukase 7:21

Á la gwaa gwɔ́, Yěsô ne ńzoŋo meguɔ tà ńgyɔ́ɔn, ńně siŋte *melɔ̌’ ntí ntí, ńně ńjwoŋo *messé tepòŋ mie é pue pʉ̀a, ńně ńgÿo pafʉ̀ menÿɔ́g gyá jʉ’.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 3:19

Pɔ́ gẅiin lékaa ndòon ńtí nò kyɛ̀’ gie á léen ńtóo tsɛ̀ɛ njÿó, tá pʉ̀a mesoŋ kwoŋ pɔ́ nzěm ńcʉa kyɛ̀’ ŋwɛ́, mélà’mie ngÿǒ menò mɔ́b té poŋ.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 8:15

Pi ŋag pʉ̀a gí pɔ́ nà ntí yé pʉ̀a mesoŋ. Á gʉa ná mèŋ, mbà mèŋ n tè ŋaga nyìŋ wɔ́.

Ŋwà’ne Jâŋ 9:25

Á tsɔ́’ɔ mbwo pɔ́b ngie: Mèŋ n kaa zsé kà aa nyìŋ tepòŋ wɔ́, kà à tè nyìŋ tepòŋ wɔ́ wɔ́. Ayɔ́ɔn mmó gie mèŋ n ne ńzsé, gwɔ́ pɔ́ ngie, mèŋ n kaa fʉ̀ menÿɔ́g, mèŋ n ge fʉ̀’ɔɔn ńne ńgyá jʉ’.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

2 Korento 2:16

Yɛ̌ gyě áa mbwó pʉ̀a pie é ne ḿbyé ńgwɔ́ gyě legwé gie á náa legwé, ńgwɔ́ mbwo pʉ̀a pie é ne ńtsẅɛ́ɛ, ńgwɔ́ gyě le gwɔ́ wó gie á gÿo mé gwɔ́ wó, tà áa pá’ɔɔn, ńgwɔ́ wɔ̌ ku’u légwɔ́ mmó gie mé ge lɔg fa’a yɔɔn fà’?

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

2 Tesalonika 2:10

À ge lá’ lɔg menò mie é té nò wɔ́ mentí mentí, éfʉte pʉ̀a pie é ge lá’ pyé. Pɔ́ pyé pú’u, mélà’mie pɔ́ lʉ’ʉ lékwoŋo nò gie áa nénʉ́ gie á kě gÿo pɔ́ tsẅɛ́.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

1 Jâŋ 2:11

Tá nyìŋ gẅie à pʉa fɛ́ we, aa nyìŋ gẅie ngÿǒ menò ée me tsɛ̀ɛ nzěm, á giŋe tsɛ̀ɛ nzěm, ńké tè ne ńzsé jʉ’ gie à gee né wó wɔ́, mélà’mie nzěm léen ńgÿo á fʉ̀.