Ŋwà’ne Jâŋ 9:34 - Nouveau Testament en Ngienboum

³⁴ Pɔ́ tsɔ́’ɔ mbwo yé ngie, mé la lɔg pɔ́ nò tepòŋ ńzyé gú, ɔ̀ gee ńzí’i peg mmó lá! Ńdeen fó *ndá cú’tè ńjwoŋo yé ńnáa pi.

Ŋwà’ne Jâŋ 9:34 ပူးပေါင်းရင်းမြစ်များ

Lukase 11:45

Atsɔ̌ tà’ nyìŋ ná pàkyàgte *lepʉ̌ Mǒsê jú’ tà ńgɔɔn né Yěsô ngie: Tsítsà, tà ɔ̀ zsě ngie ɔ̀ gɔɔn pɛ́’ɛ̀ ńdɔgɔ ńnéŋe shʉ́ twó peg yég?

Lukase 14:11

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.

Lukase 18:17

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé téen ńdá’a ńteme nò wɔ́, ńzẅíŋ *lefùɔ Ssé pá’ mûɔ wɔ́, mbà ngàŋ à tè ku’u lé lá’ ńkúu nà nò lefùɔ ŋwɛ́ wɔ́.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 8:41

Pi fa’a pɔ́ mefa’ gẅi tá, pɔ́ tsɔ́’ɔ mbwo yé ngie: Peg tè púɔ gÿɛ́ wɔ́, peg gẅiin pɔ́ tà’ Tá wémɔ’ɔ́, á gwɔ́ Ssé.

Ŋwà’ne Jâŋ 9:2

*Ngàŋa kwò Yěsô zɛ́te yé ngie: Tsítsà, wɔɔn nyìŋ gwaa kẅɛɛ lepfòm, ńgwɔ́ fʉ̀ menÿɔ́g pá’ɔɔn, mbà wɔ̌ gÿo nò tepòŋ? Yé kà má we, kà tá we?

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

Ŋwà’ne Jâŋ 9:35

Yěsô gÿo ńjú’ ngie pɔ́ fǒ *ndá cú’tè ńjwoŋo yé, ńgʉa ńgɔɔn né yé ngie: Ɔ̀ zǎb ntʉ́m ná *Míŋ Nyìŋ?

Ŋwà’ne Jâŋ 9:40

Etsɔ́ ntá’ pʉ̀a nà nùɔ pà *farisay pie pɔ́ laa jʉ’ó, jú’u yɔɔn nò, ńzɛ́te Yěsô ngie: Mé té ńgɔɔn gɔɔn wɔ́ ngie ɔ̀ gɔɔn mefʉ̀ pɛ́’ɛ̀ tà sáŋa wég mǒ ka?

1 Korento 5:13

E Ssé ge lá’ ŋag pʉ̀a pie é té pʉ̀a Kristo wɔ́. Pi fóo nùɔ pi ńjwoŋo nyìŋ tepòŋ.

Galatia 2:15

Mèŋ n gɔɔn né Piɛ pá’ɔɔn, á lɔgɔ ńgwɔ́ ngie pega pɔ̌, é pà Yuda tà fó lyɛ’ɛ́ nzyé, peg tè pʉ̀a pie é kaa ndòon pá’ petsɔ́ melá’, e mie é té zsé *lepʉ̌ Ssé wɔ́.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

3 Jâŋ 1:10

Áa mmó gie á gÿo mèŋ n ge gÿo tó tà ńkúu tsetsɛ̀ɛ pi, é kem menò tepòŋ mie á gÿǒ, é gíŋe shwóŋ pʉ̀a shwóŋè tepòŋ mbɔɔ cÿɔ̌ nò gẅie à gɔɔn ná peg. À tè gÿo pɔ́ ndà’ pú’u wɔ́, à lʉ’ʉ lékúe mefɛ́ mefɛ́ pie ée megʉ̀, ńgíŋ ńtɔ’ mbɔɔ petsɔ́ pʉ̀a lékúe wɔ́b, tà fóo tsɛ̀ɛ cú’tè ńjwoŋo pʉ̀a pie é ne fa’a lékúe wɔ́b.

3 Jâŋ 1:9

Mèŋ n ka ŋwe’e mékème ŋwà’ne, ńnáa tsɛ̀ɛ gí cú’tè pʉ̀a Kristo, tá Ndiotelɛf gẅie à kwoŋo lézá’te mvfò mânyìŋ ntsem lʉ’ʉ lé jú’u nò gie mèŋ n gɔɔn tsoló.

Ŋwà’ne Ngyà jʉ’ 13:17

Nyìŋ lɔɔn ńgwɔ́ á le júu mmó, kà lésẅiŋ wɔ́ té gwɔ́ gie à gẅiin yɛ̌ liŋé gie ée lezíŋ ndùŋ mvfò nɔ̀ɔn ŋwɛ́, ńgíŋe ńdɔgɔ ńgwɔ́ menómbà mie é cú’te ńgwɔ́ lezíŋ sé wɔ́.