Ŋwà’ne Jâŋ 9:33 - Nouveau Testament en Ngienboum

³³ Nyìŋ ŋwɛ́ ně ńgwɔ́ pé’e, mbà Ssé zɔ ka tè yé túm, mbà à ně tè ku’u légÿo tsɔ́ mmó wɔ́.

Ŋwà’ne Jâŋ 9:33 ပူးပေါင်းရင်းမြစ်များ

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâŋ 9:32

Mé laa mé ńjú’u nyìŋ gẅie à nyɛ̌’ menÿɔ́g nyìŋ gẅie mé la gwaa zyé yé á gwɔ́ fʉ̀ menÿɔ́g wɔ́ le!