Ŋwà’ne Jâŋ 9:30 - Nouveau Testament en Ngienboum

³⁰ Nyìŋ wá gɔɔn mbwo pɔ́b ngie: Pi gɔ̌ɔn pɛ́’ɛ̀, á kʉ’ʉ wɔ̀ɔn tɛ̀’ pá’ pi tè ne ńzsé lefǒ sé wɔ́. Tá, mbà à kě ńnyɛ́’ menÿɔ́g mɔ́ɔn!

Ŋwà’ne Jâŋ 9:30 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 21:42

Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

Malékuse 6:6

Á kʉ’ʉ Yěsô tɛ’, pá’ pɔ́ kaa záb ntʉ́m ná yé wɔ́. Yěsô gÿo fó jʉ’ó, ńgʉa ńzye légiŋe tsɛ̀ɛ melá’ shÿó jʉ’ó, ńně ńzí’i pʉ̀a nò Ssé.

Lukase 7:22

Á tsɔ́’ɔ mbwo pɔ́b ngie: Pi gʉa ḿbíte shwóŋó Jâŋ á mmó gie pi gyǎ, mbɔɔ gie pí jǔ’ mé gɔɔn, éshwóŋó yé ngie mefʉ̀ menÿɔ́g ne ńgyá jʉ’ mboŋó, pàpwɔ́’te mekwò ne ńgiŋe mboŋó, megàŋ nkà’ ne ńzeŋe, pàmbǔ’ metuŋó ne ńjú’u jʉ’, mepfó ne ńzyeen, mefÿɔg ne ńjú’u Nkʉ̀ Mbòŋo.

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 3:10

Yěsô tsɔ́’ɔ mbwo yé ngie: Ɔ̀ɔ Israel ńgwɔ́ tà’ tsítsà tà mé zsé gú tɛ’, ɔ̀ piŋ tè yɔɔn nò zsé la?

Ŋwà’ne Jâŋ 9:29

Peg ne ńzsé ngie Ssé la gɔɔn nò á mbwo Mǒsê, tá ńgʉa ná wɛ̂ nyìŋ, mbà peg tè ne ńzsé lefǒ sé wɔ́.

Ŋwà’ne Jâŋ 9:31

Pege metsèm zsě ngie e Ssé aa tě njú’u ngyè nyìŋ tepòŋ wɔ́, tá ńgwɔ́ gie nyìŋ lɔɔn ńgÿo mekù’ Ssé, ḿbiŋ ne ńgÿo mmó gie e Ssé ne ńkwoŋo, mbà Ssé ge jú’ ngyè ye.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.