Ŋwà’ne Jâŋ 9:24 - Nouveau Testament en Ngienboum

²⁴ Pà *farisay gíŋe ńtóŋo nyìŋ gẅie à kaa fʉ̀ la, ńgɔɔn né yé ngie, tyé mvfò Ssé, éshwóŋó nò nénʉ́. Peg ne ńzsé ngie nyìŋ wɛ̂ aa nyìŋ tepòŋ.

Ŋwà’ne Jâŋ 9:24 ပူးပေါင်းရင်းမြစ်များ

Malékuse 15:27

Pɔ́ la gíŋe ńkim tsɔ́ metsǒŋ mépʉ́a nà metÿǒ nkǐ. Tà’ gwɔ́ nà gwoŋó pwó Yěsô ye tʉ̀, wetsɔ̌ gwɔ́ nà gwoŋó pwó kyɛ̀bɛ.

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 19:7

Alá’ la gyá pá’ pɔ́ ye gee, ńzẅɛ́te ngie: A gẅie à gee ndá nyìŋ tepòŋ ńda’a lɛ.

Lukase 7:39

Nyìŋ *farisay gẅie à ně ńtóŋo Yěsô gyá pú’u, ńkwáŋte ntʉ́m yé ngie, nyìŋ wɔɔn gwe’e ńgwɔ́ kwà’ *ntsẅì nkʉ̀ Ssé, mbà à zsě lii manzwě gẅie à zába pwó ná ye lɛ, mbà à zsě ngie aa manzwě tepòŋ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Ŋwà’ne Jâŋ 18:30

Pɔ́ tsɔ́’ ngie: Nyìŋ áwɛ̌ ně ńgwé’e tè nò tepòŋ gÿo, mbà peg kaa lɔgɔ yé ńtóo mvfò gù wɔ́.

Ŋwà’ne Jâŋ 19:6

Tá metándá pànuŋe pwɔ́’ lâ pà pyɛ́bɛ *jʉ’ʉ Ssé gyá Yěsô, ńzye lénáa gwá ngie: Kime yé nà tÿǒ nkǐ, kime yé nà tÿǒ nkǐ. *Pilato gɔɔn né pɔ́b ngie pi kɔ yé, kwà’ pi zɔ kime yé nà tÿǒ nkǐ. Mèŋ n tě ně ńgyá mmó gie mé ge cʉa mǒ, tá zẅé yé wɔ́.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 8:46

Awɔ̌ ná pi lɔɔn ńgwɔ́ á la’te nò tepòŋ gie mèŋ n dǎ gÿo? N dɔɔn ńgwɔ́ gie mèŋ shwóŋó nò nénʉ́, mbà pi piŋ ńké tě ńzẅíŋe wɔ́ mélà’a kɔ́?

Ŋwà’ne Jâŋ 8:49

Yěsô tsɔ́’ɔ mbwó pɔ́b ngie: E *ssé tepòŋ tè ná mèŋ wɔ́. Mèŋ n gÿo yɔ́ɔn pɔ́ mekù’ Tá wɔ̀ɔn. Pi piŋ ńké tè ne ńgÿo mekù’ mɔ́ɔn mɔ́.

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâŋ 9:25

Á tsɔ́’ɔ mbwo pɔ́b ngie: Mèŋ n kaa zsé kà aa nyìŋ tepòŋ wɔ́, kà à tè nyìŋ tepòŋ wɔ́ wɔ́. Ayɔ́ɔn mmó gie mèŋ n ne ńzsé, gwɔ́ pɔ́ ngie, mèŋ n kaa fʉ̀ menÿɔ́g, mèŋ n ge fʉ̀’ɔɔn ńne ńgyá jʉ’.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Ŋwà’ne Ngyà jʉ’ 11:13

Pɔ́ ne ńkwɔ́’ɔ pú’u, atsetsá’ pú ńcʉ’e tɛ’. Tà’ nzsè tÿǒsoŋ á nà nzsè legém á kème. Tsetsá’ cʉ́’e pú’u, ńzẅete pʉ̀a mesoŋ ntsá’ sɔɔn mbʉ́a. Apfwɔ́’ɔ pʉ̀a pie pɔ́ tsẅɛ̌, á gyá ḿbɔ́g, ńnáa legú’ mbwo Ssé gẅie à ńnéŋe tÿǒ lepwó.