Ŋwà’ne Jâŋ 9:16 - Nouveau Testament en Ngienboum

¹⁶ Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâŋ 9:16 ပူးပေါင်းရင်းမြစ်များ

Matio 12:10

Àtsɔ̌ mámbàŋa gwɔ́ yé ndá ŋwɛ́, mbà pwó yé leen ńkwé. Pʉ̀a pie é laa ndá ne fa’a mmó gie pɔ́ ge fó mǒ lɔg sẅiŋe Yěsô, zɛ́te yé ngie: Áa nà *lepʉ̌ ségè pé’e ńgwaa we mé gÿo nyìŋ zeŋe lyɛ’ɛ́ nzse ka ngǎŋ?

Matio 12:2

Tsɔ́ pʉ̀a nà pà *farisay gyá pú’u, ńgɔɔn né Yěsô ngie: Líe tá ńgyá pá’ *ngàŋa kwò jú gÿo mmó gie *lepʉ̌ té ne ńzɛ́te, ngie mé gÿo lyɛ’ɛ́ nzse pa Yuda wɔ́.

Lukase 13:14

Tá ndÿò tsɛ̀ɛ *ndá cú’tè pà Yuda gyá pú’u, anò gyáŋa yé, mélà’mie Yěsô gÿǒ nyìŋ zeŋe lyɛ’ɛ́ nzsè. Á gɔɔn mbwo lá’ ngie, melyɛ’ɛ́ fà’ ée pá’a ńgwɔ́ ntɔgɔ́, pi ńnéŋe ńdɔgɔ megùɔ mí ńtóo ná mɛ̌ melyɛ̌’ mé zoŋo gẅí, tà pi tó lyɛ’ɛ́ nzsè!

Ŋwà’ne Jâŋ 10:19

Yɔɔn shwóŋè gíŋe ḿma’a fàgte tsetsɛ̀ɛ pà Yuda.

Ŋwà’ne Jâŋ 14:11

Mèŋ n dɔɔn shwóŋó gẅi ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó, pi zẅíŋ ngie áa pú’u, éfó ńgwɔ́ gie pi tè zẅíŋe nò gie n gɔɔn wɔ́, pi fó ńdíe pɔ́ mefà’ mie pi gyǎ mèŋ fa’, ńzẅíŋ.

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 5:10

Pàsá’a lá’ pà Yuda leen ńké ńgɔɔn né nyìŋ gẅie à zeŋé ŋwɛ́ ngie: Ɔ̀ tè gẅiin lékaa mátà ńdɔg ńgiŋ pɛ́’ɛ̀ wɔ́. Á nue yɔɔn áa lyɛ’ɛ́ nzsè.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Ŋwà’ne Jâŋ 6:52

Ńgɔɔn pú’u, pàsá’a lá’ pá zoŋo tsetsɛ̀ɛ pɔ́b tɛ’ ńgɔɔn ngie: Nyìŋ wɛ̂ ge gÿo lêkɔ́ tá ná mbab nnɛ́ ye pege pfɛ́?

Ŋwà’ne Jâŋ 7:12

Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

Ŋwà’ne Jâŋ 7:23

Tà á lɔɔn ńgwɔ́ gie à ńgwɔ́ pi pú’u múɔ lyɛ’ɛ́ nzsè, mbɔ́gɔ pá’ pi ge fʉa *lepʉ̌ Mǒsê, pi piŋe ńgyáŋa lóŋ ná mèŋ ngie mèŋ n gÿǒ nyìŋ zeŋe lyɛ’ɛ́ nzsè mélà’a kɔ́?

Ŋwà’ne Jâŋ 7:43

Anò Yěsô leen ńké ḿma’a fàgte tsetsɛ̀ɛ pɔ́b.

Ŋwà’ne Jâŋ 9:24

Pà *farisay gíŋe ńtóŋo nyìŋ gẅie à kaa fʉ̀ la, ńgɔɔn né yé ngie, tyé mvfò Ssé, éshwóŋó nò nénʉ́. Peg ne ńzsé ngie nyìŋ wɛ̂ aa nyìŋ tepòŋ.

Megàŋ ntúm 14:4

E pʉ̀a pie ée tÿǒsoŋ shʉ́a, ńgábte nzsè pʉ́a. Tà’ nùɔ cʉ́me nzèm pà Yuda. Yetsɔ́ nùɔ cʉ́me nzèm megàŋ ntúm.