Ŋwà’ne Jâŋ 8:42 - Nouveau Testament en Ngienboum

⁴² Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.

Ŋwà’ne Jâŋ 8:42 ပူးပေါင်းရင်းမြစ်များ

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 14:10

Ɔ̀ tè ne ńzẅíŋe ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó wɔ́ ka? Anò gie mèŋ shwóŋó gẅi téen fóo mbwo mèŋ wɔ́. Tá wɔ̀ɔn gẅie aa nê mèŋ zɔ lɔgɔ wɔ̀ɔn fa’a mefà’ mé.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 5:43

Mèŋ n ka lɔg lezíŋ Tá wɔ̀ɔn ńtó, pi lʉ’ʉ lézẅíŋe yɔ́ɔn nò. Tá ńgwɔ́ gie tsɔ̌ nyìŋ ndyɛ̀’ɛ lɔɔn ńtó fʉ̀’ɔɔn pɔ́ nà sé lezíŋ, mbà pi ge zẅíŋe yé nó.

Ŋwà’ne Jâŋ 8:14

Yěsô tsɔ́’ɔ mbwo pɔ́b ngie: Mèŋ n tsɛ ne ńgɔɔn nò gie mèŋ n zsé nà twó mbùm yɔ́ɔn tá’, anò gie mèŋ n gɔɔn ké ńgwɔ́ nénʉ́, á nue mèŋ n ne ńzsé jʉ’ gie mèŋ n ka fó wó, ńgíŋe ńne ńzsé jʉ’ gie mèŋ n gee nê wó. Tá’ ńgʉa ná pi, mbà pi tě ne ńzsé jʉ’ gie mèŋ fóo nê wó wɔ́, ḿbiŋ ńké tě ne ńzsé jʉ’ gie mèŋ n gee né wó wɔ́.

1 Korento 16:22

Nyìŋ lɔɔn tè kwoŋo Cʉ̀apʉ̀a Yěsô wɔ́, e Ssé néŋ ndòon twó ngàŋ. Marana tha. Cʉ̀apʉ̀a weg, tóo!

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.