Ŋwà’ne Jâŋ 8:34 - Nouveau Testament en Ngienboum

³⁴ Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, mânyìŋ ntsèm gẅie à gÿo nò tepòŋ, aa nkwɔɔn nò tepòŋ.

Ŋwà’ne Jâŋ 8:34 ပူးပေါင်းရင်းမြစ်များ

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Megàŋ ntúm 8:23

Mèŋ n zɔɔn ne ńgyá ngie kègɔ́’ léen ńcʉŋte ntʉ́m ɔ̀. Ɔ̀ cʉ́’ nkwɔ̀ɔn nò tepòŋ.

Roma 6:12

Pú’u la, á té ne ńzɛ́te ngie anò tepòŋ gíŋe sá’ mbùm nnɛ́ gi gie e ge gÿo kwé wɔ́, pi pɔ́ɔn légíŋe ńnyé mbùm gi é tsóte gẅi ńnéŋe tsɛ̀ɛ kegɔ́’.

Roma 6:16

Tà pi ké ńdege ngie nyìŋ lɔɔn ńzẅíŋ nkwɔɔn nyìŋ pá’ à ge ne jú’u ncwò ngàŋ, mbà à cʉ̌’ nkwɔɔn ngàŋ. Á lɔgɔ ńgwɔ́ ngie pi lɔɔn ne ńjú’u ncwò nò tepòŋ, mbà pi cʉ̌’ nkwɔɔn nò tepòŋ, á gÿo pi kwé, ńké ńgwɔ́ gie pi lɔɔn ne ńjú’u ncwò Ssé, mbà pi ge cʉ́’ nkwɔɔn Ssé, à gÿo pi gÿo mmó gie áa ndʉŋ ndʉŋ mvfò yé.

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

Roma 7:14

Pege zɔɔn ne ńzsé ngie *lepʉ̌ fó mbwo Ssé. Tá á ké ńgʉa ná mèŋ, nyìŋ mesoŋ, mèŋ fege fege, mbà mé la sẅiŋe wɔ̀ɔn n cʉ́’ nkwɔɔn nò tepòŋ.

Roma 7:25

E Ssé zɔ ge tóo tsoló kẅile wɔ̀ɔn. Á cʉa ná Cʉ̀apʉ̀a wege Yěsô Kristo, agù’te gwɔ́ mbwo yé. Áa pú’u, legyè sɔ́ɔn ne shwóŋó wɔ̀ɔn ngie n kú’te *lepʉ̌ Ssé, tá mbab nnɛ́ nyìŋ mesoŋ gie mèŋ n gẅiin ne ńtsóte wɔ̀ɔn n kú’te pɔ́ *lepʉ̌ nò tepòŋ.

Roma 8:21

Á gwɔ́ ngie tsɔ́ lyɛ̌’ ge lá’ ku’, à fó ndá nkwɔɔn ńkẅile kɔ̀ɔkɔ́ɔ gie à la nyɛte, tsɔ́ mmó le gíŋe ńdʉ́ʉ mǒ wɔ́, akɔ́ɔkɔ́ wɔ́ pú ńgwɔ́ jʉ’ gie púɔ Ssé ée wó tsɛ̀ɛ legú’, atsɔ́ mmó té jʉ’ó kwé, atsɔ́ ké tè lʉ́.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

2 Piɛ 2:19

ńgíŋ ne shwóŋó wɔ́b ngie pɔ́ ge gÿo pɔ́ le gíŋe ńgwɔ́ menkwɔɔn wɔ́, tá kwà’ pɔ́b yɔ́b gwɔ́ menkwɔɔn mbwo shúm sie pɔ́ tsɔ́ɔn, é piŋ ńne ḿbyága wɔ́b. Ammó lɔɔn ńzɔɔn ńjÿó ntʉ́m nyìŋ, à ngàŋ cʉ́’ ńgwɔ́ pɔ́ kwɔɔn mbwo yɛ̌ mmó.