Ŋwà’ne Jâŋ 8:32 - Nouveau Testament en Ngienboum

³² Mbà pi ge zsé nò nénʉ́, anò nénʉ́ cu’u gẅí.

Ŋwà’ne Jâŋ 8:32 ပူးပေါင်းရင်းမြစ်များ

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Ŋwà’ne Jâŋ 17:17

Lɔgɔ nò nénʉ́ jú ńgÿo pɔ́ cʉ́’ pʉ̀a pú tà shwóŋó nò. Ashwóŋè jú áa nénʉ́.

Ŋwà’ne Jâŋ 6:45

Mé la ŋwe’e tsɛ̀ɛ ŋwà’ne pà *ntsẅì nkʉ̀ Ssé ngie: «E Ssé lê twó yé ge lá’ zí’i nò yé mbwo mânyìŋ tsèm». Nyìŋ lɔɔn ńjú’u nò gie à fóo mbwo Tá, ńzẅíŋe mmó gie à zí’i pʉ̀a, mbà wɛ̌ nyìŋ ge tó tsɛ́ɛ wɔ̀ɔn.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Ŋwà’ne Jâŋ 8:36

Áa pú’u, tá ńgwɔ́ gie múɔ lɔɔn ńkẅile gẅi ndá nkwɔɔn, mbà pi ge fó wó kẅɛ, kwà’ nénʉ́.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

1 Korento 7:22

Pi zsé ngie nyìŋ gẅie Cʉ̀apʉ̀a ka gwaa tóŋo yé, á gwɔ́ nkwɔɔn, à kẅɛ̌ ndá nkwɔɔn nò tepòŋ, ńcʉ́’ ńgwɔ́ pɔ́ nyìŋ Cʉ̀apʉ̀a. Á giŋ ńgwɔ́ pɔ́ ndʉŋ ndʉŋ ná nyìŋ gẅie mé ka gwaa tóŋo yé á gwɔ́ ndù nnɛ́, angàŋ kéen ńcʉ́’ nkwɔɔn Kristo, ńdɔgɔ ńgwɔ́ yé nyìŋ Kristo

Galatia 5:1

Kristo la zá’ nkÿo pu’ lóŋ pege légwɔ́ gie pege ge gwɔ́ pʉ̀a pie é kwǎ’ ńtsẅɛ́ nkwɔɔn *lepʉ̌. Pú’u la, pi kú’te wɛ̌ légwɔ́ mboŋó, ḿbɔ́ɔn légíŋe ńzẅíŋ atsɔ́ mmó gíŋe ńdɔgɔ gẅi ńgÿo menkwɔɔn.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

2 Timote 3:7

Wɛ̌ nyìŋ wɔ́ tó, ńzí’i yɛ̌ ntí pànzwě nò, pɔ́ zẅí’te zẅi’té tá ńké tè ku’u lézsé nò gie áa nénʉ́ wɔ́.

Ŋwà’ne Jâg 1:25

Tá nyìŋ gẅie à nyɛte ńtuu nò á ná *lepʉ̌ sie tsɔ́ mmó té mǒ zág, ésie é gÿo nyìŋ gwɔ́ ndù nnɛ́, ńzáb ntʉ́m wé mǒ té kʉ́a tà à tè gwɔ́ pɔ́ jù’u ńdege wɔ́, ńgwɔ́ jù’u ńgÿo, mbà à ge gwɔ́ shÿó mbòŋo ná kɔ̀ɔkɔ́ɔ gie à gÿo.

Ŋwà’ne Jâg 2:12

Pi gwaa ne gɔɔn nò, ńne ńgÿo pá’ pʉ̀a pie mé ge lá’ lɔg *lepʉ̌ sie é gÿo mé cʉ́’ʉ pà ndù nnɛ́ e lɔg ŋaga wɔ́b.

1 Piɛ 2:16

Pi lɔgɔ mà gẅi ńgwɔ́ pá’ pʉ̀a pie mé ka kẅile wɔ́b ndá nkwɔɔn. Tá’, tà wɛ̌ légwɔ́ ké ńcʉ́’ʉ mbwo pi ńgwɔ́ nkǔɔ gie pi ge lɔg lÿoon menò tepòŋ. Pi lɔgɔ mà gẅi ńgwɔ́ pɔ́ menkwɔɔn pe yé Ssé.

2 Jâŋ 1:1

Mèŋ gẅie mèŋ n ge nkẅè mvfò tsɛ̀ɛ cú’tè pʉ̀a Kristo, mèŋ n náa yɔɔn ŋwà’ne mbwo Má penkʉ́. E Ssé la tsɔ́’ɔ gú. Mèŋ n giŋé ńnáa mbɔɔ mbwo gubé jú, m bǔ ńkwoŋo gẅi pɔ́ métsèm, á nue pege metsèm pǔ ńtyé nà nò nénʉ́, é té ndà’ wɔ̀ɔn mie mèŋ n kwoŋo gẅi wɔ́, awɔ̌wɔ́ɔ gẅie à tyé nà nò nénʉ́ giŋé ńkwoŋo gẅi yé.