Ŋwà’ne Jâŋ 8:24 - Nouveau Testament en Ngienboum

²⁴ Áa mmó gie á ně ńgÿo tá mèŋ n gɔɔn né pi ngie: Pi ge gÿo kwé tsɛ̀ɛ menò tepòŋ mí. Á nue pi lɔɔn tè zẅíŋ ngie nyìŋ gẅie mé tóŋo yé lê N gee gwɔ́ à gwɔ́ pɔ́ mèŋ wɔ́, mbà pi ge kwé tsɛ̀ɛ menò tepòŋ mí.

Ŋwà’ne Jâŋ 8:24 ပူးပေါင်းရင်းမြစ်များ

Matio 24:5

Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔɔ ná pɔ́b wɔ́ gɔɔn ngie: Aa *Nzà’nkÿo, é gɔɔn pú’u lɔg fʉte pʉ̀a tà ńgyɔ́ɔn.

Malékuse 13:6

Epʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, awɔ̌wɔ́ɔ ná pɔ́b gɔɔn ngie aa *Nzà’nkÿo, é gɔɔn pú’u, lɔg fʉte pʉ̀a tà ńgyɔ́ɔn.

Malékuse 16:16

Nyìŋ gẅie à zẅǐŋ la, mé nu’u yé ntse, e Ssé gÿo à tsẅɛ́. Nyìŋ gẅie à lʉ’ʉ́ lézẅíŋ lá, à ge lá’ gwe ntsàŋ.

Lukase 21:8

Á tsɔ́’ ngie: Pi laga twó gí, ḿbɔ́ɔn nyìŋ léfʉʉ gẅí. Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔ́ɔ ná pɔ́b wɔ́ gɔɔn ngie aa *Nzà’nkÿo, afʉ̀’ ku’ú. Pɔ́ lɔɔn ńgɔɔn pú’u, tà pi mɔ́ɔn tà ńcʉ́me nzèm pɔ́b.

Ŋwà’ne Jâŋ 13:19

Mèŋ n tʉʉ njÿó shwóŋó gẅi fʉ̀’ɔɔn tà mɔɔn menò gÿo ńtó, pi zẅíŋ ngie mèŋ n gee N gee gwɔ́.

Ŋwà’ne Jâŋ 3:18

Nyìŋ lɔɔn ńzáb ntʉ́m wé ná yé, ndòon le yé gwoon. Nyìŋ gẅie à ké kaa záb ntʉ́m wé ná yé wɔ́ zsé ngie à kǎ ndòon, á nue à kaa záb ntʉ́m wé ná Míŋ Ssé wémɔ’ɔ́ wɔ́.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 4:26

Yěsô gɔɔn né yé ngie: Mèŋ gẅie pɔgɔ shwóŋe lɔɔn, mèŋ n gee yé.

Ŋwà’ne Jâŋ 8:21

Yěsô gíŋe ńgɔɔn né lá’ ngie: Mèŋ n ge gʉa, pi cʉ́’ ńne ńgwá fa’a wɔ̀ɔn. Tá’, é ké kwé tsɛ̀ɛ nò tepòŋ gí. Pi tè ku’u légʉa jʉ’ gie mèŋ n gee nê wó wɔ́.

Ŋwà’ne Jâŋ 8:25

Pɔ́ zɛ́te yé ngie: Ɔ̀ gwɔ̌ pɔ́ wɔ̌? Yěsô tsɔ́’ɔ mbwo pɔ́b ngie: Mèŋ n gee nyìŋ wá gẅie n dà lá’ ńzye léshwóŋó gẅi tà fó nzyeté la.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.