Ŋwà’ne Jâŋ 8:22 - Nouveau Testament en Ngienboum

²² Pʉ̀a leen ńké ńjú’ pú’u, ńgɔɔn ngie: Yé zɔ ge zẅé mbùm ye keen? Á nue à gɔ̌ɔn ngie: Pi tè ku’u légʉa jʉ’ gie mèŋ n gee nê wó wɔ́.

Ŋwà’ne Jâŋ 8:22 ပူးပေါင်းရင်းမြစ်များ

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 10:20

Lelÿò pʉ̀a tsetsɛ̀ɛ pɔ́b ne ńgɔɔn ngie: E *ssé tepòŋ léen ńgwoon yé. Àa pʉ̀a. À gɔɔn kɔ́ tà pi zẅí’te?

Ŋwà’ne Jâŋ 7:20

Alá’ tsɔ́’ɔ mbwo Yěsô ngie: Ɔ̀ɔ *ssé tepòŋ! Awɔ̌ ne fa’a lézẅé gú?

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Ŋwà’ne Jâŋ 8:48

Epʉ̀a leen ńké ńgɔɔn né Yěsô ngie: Peg lɔɔn ńtóŋo gú ngie nyìŋ Samalîɛ, mbà peg kaa fʉa. Mbɔɔ légɔɔn ngie ssé tépoŋ ee ná gù.

Ŋwà’ne Jâŋ 8:52

Epʉ̀a gɔɔn né Yěsô ngie: Áa nà fʉ̀’ɔɔn, mbà peg zsě ngiessé tepòŋ ee ná gú. Ábalam la kwé, pà *ntsẅì nkʉ̀ Ssé gíŋe ńkwé yɔ́b, ɔ̀ piŋ ne ńgɔɔn ngie: Nyìŋ lɔɔn ńgiŋe nà shwóŋè jú, á le lá’ ńkwé wɔ́.

Heber 12:3

Pi zɔɔn ńnéŋe ńkwaŋte pɔ́ Yěsô, megàŋ mefʉa lɔ́ɔn ḿbʉa yé, ńgege yé, á ké shÿɔgɔ shÿɔg. Pi gÿo pú’u, ńzsé ngie ntʉ́m gẅi té pÿɛ́ pi kʉ́a wɔ́.

Heber 13:13

Pú’u la, pege fó yégè á jʉ’ gie mé tsẅé wó, ńkẅɛ, ńgʉa ńtsɛ́ɛ yé, ńne ńzẅíŋe ngie mé zoonte wégè pá’ yé.