Ŋwà’ne Jâŋ 8:19 - Nouveau Testament en Ngienboum

¹⁹ Pɔ́ zɛ́te yé ngie: Tá gù aa nzɔ̌? Yěsô tsɔ́’ ngie: Pi tè ne ńzsé wɔ̀ɔn mɔ́, ńgíŋe tè ne ńzsé mbàa Tá wɔ̀ɔn mɔ́. Pi ka zɔɔn ńgwɔ́ pé’e ńne zsé wɔ̀ɔn, mbà pi ka giŋé ńzsé Tá wɔ̀ɔn yé.

Ŋwà’ne Jâŋ 8:19 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Ŋwà’ne Jâŋ 1:10

Ye shwóŋè laa tsɛ̀ɛ njÿó, tá pʉ̀a mesoŋ ké tè yé zsé. Mbà pɔ́ la ké ńcʉa pɔ́ ná yé tá ńgwɔ́ wó.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Ŋwà’ne Jâŋ 16:3

Pɔ́ ge gÿo pú’u, mélà’mie pɔ́ kaa Tá zsé, ńké tè wɔ̀ɔn zsé.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 7:28

Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.

1 Korento 15:34

Pi gwoonte mbùm gí nà ntí gie e poŋ Ssé, tà pi gíŋ ńgÿo menò tepòŋ. N gɔɔn nue mèŋ n ne ńgyá e tsɔ́ pʉ̀a ée tsetsɛ̀ɛ pi pɔ́ té Ssé zsé, n gɔɔn pá’ɔɔn ńtsɔɔn ngie eshʉ́ kúu gẅí.

Galatia 4:9

Á píŋ ńgʉa nà fʉ̀’ɔɔn pi ne ńzsé Ssé tà mèŋ n kɔ’ɔ́ fó gɔɔn pɔ́ ngie e Ssé ne ńzsé gẅí. Á piŋ ngǎ pi gíŋe ḿbiŋe nzèm, á tsɛ̀ɛ sɛ̌ shúm sie é té metʉ̀ gẅiin, ńké tè tsɔ́ mmó gẅiin? Pi kwoŋo légíŋe ḿbiŋ nzèm ńzẅíŋ menkwɔɔn mbwo pɔ́b keen?

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 1:15

Mé té gyá Ssé wɔ́, tá Miŋ we gẅie mé lǎ gyá yé à gwɔ́ pɔ́ Ssé tà ḿmag. Yé zɔ tyé twó mvfò ná kɔ̀ɔkɔ́ɔ gie e Ssé la pwóon.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.