Ŋwà’ne Jâŋ 7:39 - Nouveau Testament en Ngienboum

³⁹ A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Ŋwà’ne Jâŋ 7:39 ပူးပေါင်းရင်းမြစ်များ

Matio 16:14

Pɔ́ pÿɛ ngie: Etsɔ́ pʉ̀a ne ńgɔɔn ngie: Ɔ̀ɔ Jâŋ Mbabtis, petsɔ́ ne ńgɔɔn ngie: Ɔ̀ɔ *Elîɛ, petsɔ́ ne ńgɔɔn yɔ́b ngie: Ɔ̀ɔ Yeremi, petsɔ́ ne ńgɔɔn yɔ́b ngie: Ɔ̀ɔ tsɔ̌ tà’ nà pà *ntsẅì nkʉ̀ Ssé.

Matio 21:11

Àlá’ tsɔ́’ ngie: Aa Yěsô á *ntsẅì nkʉ̀ Ssé, à fóo tÿǒsoŋo Nǎzarɛd nà pàga ngwòŋ Galilea.

Lukase 24:49

Pi zsé ngie mèŋ n ge tó túmo mmó gie Tá wɔ̀ɔn la ka’a lénáa mbwo pi. Pi ké ńzẅí’te pɔ́ tÿǒsoŋ tà ńkúu fʉ̀’ gie metʉ̀ Ssé é ge fó tyǒ lepwó ésẅɛ̌’ kúu ná pi.

Lukase 3:16

Tá á tsɔ́’ɔ mbwó pɔ́b metsèm ngie: Mèŋ n dêen ńgẅiin yɔ́ɔn pɔ́ ndà’ lénu’u gẅi tsɛ̀ɛ ntse. Tá tsɔ̌ ndÿò ne ńtóo; à cʉa wɔ̀ɔn tà mèŋ n tè ku’u lékyɛ́’ menkÿo melɔ̌ɔn mé wɔ́. À ge tó néŋ pʉ̀a mbwo Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Ŋwà’ne Jâŋ 1:21

Pɔ́ zɛ́te yé ngie tà ɔ̀ gwɔ́ pɔ́ wɔ̌? Ɔ̀ gwɔ́ pɔ́ *Elîɛ keen? Jâŋ gɔɔn ngie ngǎŋ. Pɔ́ gɔɔn ngie, ɔ̀ gwɔ́ pɔ́ *ntsẅì nkʉ̀ Ssé gẅie mé ne ńzẅí’te lá keen? Jâŋ gɔɔn ngie ngǎŋ.

Ŋwà’ne Jâŋ 1:25

Pɔ́ gíŋe ńzɛ́te Jâŋ ngie, tà ɔ̀ tè *Nzà’nkÿo wɔ́, ńké tè *Elîɛ́ wɔ́, ńké tè *ntsẅì nkʉ̀ Ssé gẅie mé ne ńzẅí’te wɔ́, tà mélà’a kɔ́ ɔ̀ nu’u pʉ̀a ntse?

Ŋwà’ne Jâŋ 1:33

Kwà’ mèŋ n da zɔɔn tè ne ńzsé yé wɔ́, tá Ssé gẅie à la túmo wɔ̀ɔn ńgie mèŋ n gʉa ńnu’ pʉ̀a ntse, yé zɔ̌ gɔɔn né mèŋ ngie: Ɔ̀ ge gÿo gyá zẅìge Ssé tó ńnéŋe ná nyìŋ. Àa yé gẅie à ge ná pʉ̀a mbwo zẅìge Ssé.

Ŋwà’ne Jâŋ 12:16

*Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Ŋwà’ne Jâŋ 12:23

Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:14

À ge gÿo nyɛɛ wɔ̀ɔn legú’, mélà’mie à ge kẅé mbwo mèŋ tá zí’i gẅí.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

Ŋwà’ne Jâŋ 17:1

Yěsô la gɔɔn yɔɔn nò tà ńtsẅé jʉ’, ḿbʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, afʉ̀’ ku’ú, gÿo pʉ̀a gyá legú’ Míŋ gù, Míŋ gù gÿo yé, epʉ̀a gyá legú’ gù.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 20:22

Ńgɔɔn pú’u, éfÿɔ́g fÿɔ́g ncwò ye ná pɔ́b, ńgɔɔn ngie: Pi kẅé Zẅìge Ndʉalʉ̌a.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

Ŋwà’ne Jâŋ 7:12

Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Megàŋ ntúm 19:2

ńzɛ́te wɔ́b ngie: Pi la gwɔ́ tà ńcʉ́’ pʉ̀a Kristo pé’e tà Ssé náa Zẅìge Ndʉalʉ̌a né pi? Pɔ́ tsɔ́’ ngie: Peg laa zɔɔn fó ńjú’ pá’ mé kíme tsɔ́ Zẅìge Ndʉalʉ̌a wɔ́.

Megàŋ ntúm 2:17

À la gɔɔn ngie Cʉ̀apʉ̀a gɔ̌ɔn ngie: Alyɛ’ɛ́ nzsònzèm ge lá’ ně ku’u, n ńnéŋe Zẅìge yɔ́ɔn ná nyìŋ mésoŋ ntsèm; gubé gí yé mbàŋa mbɔɔ yé pànzwě ge lá’ cʉ́’ pà Ntsẅì nkʉ̀ pɔ́ɔn. Mèŋ n ge gÿo púɔ ngwàshùm pí gyá menkʉ̀’ʉ nò, n dɔg njÿòon ńgɔɔn nò mbwo mezẅìŋe pʉ̀a pie ée tsetsɛ̀ɛ pi.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 2:38

Piɛ tsɔ́’ɔ mbwó pɔ́b ngie: Pi kúbe mà. Wɛ̌ nyìŋ wɔ́ nà pi zẅíŋ mé nu’u ye ntse nà lezíŋ Yěsô Kristo. Légwɔ́ gie e Ssé ge lege menò tepoŋ mé é naa mbwó yé. E Ssé lêen ńké ńnáa Zwìge Ndʉalʉ̌a né pi.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Megàŋ ntúm 4:31

Pɔ́ la sẅíŋte Ssé ta ńtsẅé jʉ’, ajʉ’ gie pɔ́ la cú’te wó cʉ’ʉ. À Zẅìge Ndʉalʉ̌a pú ńjÿo wɔ́b métsèm. Pɔ́ zyé leshwóŋó nò Ssé té pɔ́g.

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

2 Korento 3:8

Pá’ á laa pú’u la, á ge gǎ tá fà’ ná nò Zẅìge Ndʉalʉ̌a, á le náa shʉ́shÿɔ́g tà ńtɔ́gɔ wɛ̌ wɔ́?

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.