Ŋwà’ne Jâŋ 7:37 - Nouveau Testament en Ngienboum

³⁷ Á gwɔ́ nzsò nzèm lyɛ’ɛ́ línɔ́ɔn, á gie áa máamáa lyɛ’ɛ́ lá’, Yěsô lu ssé ńtyé tsetsɛ̀ɛ pʉ̀a, ńgɔɔn né ngyè tetʉ́ʉ ngie: Agága nyìŋ lɔɔn ne shÿó, á tó ńtsɛ́ɛ wɔ̀ɔn, ńnú ntse.

Ŋwà’ne Jâŋ 7:37 ပူးပေါင်းရင်းမြစ်များ

Matio 11:28

Pi metsèm pie pi kǎ pì’ á zɛɛ gẅi tà pi kʉ́a, pi tó ńtsɛ́ɛ wɔ̀ɔn, n gÿo pi zẅɛte.

Matio 3:3

Jâŋ lɔgɔ pú’u, ńgwɔ́ nyìŋ gẅie *ntsẅì nkʉ̀ Ssé Esǎya la gɔɔn nò ńtí yé ngie: «Ngyè nyìŋ kwɔ̌’ fó nkwòŋo tsẅɛ, ńgɔɔn ngie: Pi nyɛte mánzsè Cʉ̀apʉ̀a, ńgÿo melyěen nzsè mé e tyé ndʉŋ ndʉŋ».

Matio 5:6

Pàshÿó mbòŋo ee pʉ̀a pie pɔ́ ne ńkwa’a ńtsɔ́ɔn légÿo mmó gie Ssé kwoŋ, «mélà’mie Ssé ge gÿo pɔ́ gÿo yɛ̌ mmó».

Ŋwà’ne Jâŋ 1:23

Jâŋ lɔgɔ shwóŋè gie *ntsẅì nkʉ̀ Ssé Esǎya la gɔɔn ńtsɔ́’ ngie: Mèŋ n gee nyìŋ gẅie aa nkwòŋo tsẅɛ, ésá’a ńgɔɔn ngie: «Pi siŋte mánzsè Cʉ̀apʉà à tyé ndʉŋ ndʉŋ».

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâŋ 4:11

Manzwě ŋwɛ́ gɔɔn né Yěsô ngie, andè, ɔ̀ zɔɔn fó tè loŋgá gẅiin, ńtse piŋ ńgwɔ́ tsɛ̀ɛ ssé tɛ̀’ pɛ́’ɛ̀, wɛ̌ ntse gẅie é fóo lesá’a piŋ fó pɔ́ nzɔ̌?

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 5:40

Pi piŋ ńké tè ne ńkwoŋo létóo mbwo mèŋ ńgẅiin le gwɔ́ tèmì wɔ́.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:55

Á nue mbab nnɛ́ yɔ̀ɔn ée shúm léjÿó se mbòŋo, metse mɔ́ɔn é gwɔ́ kwà’ mmó nǔ.

Ŋwà’ne Jâŋ 7:28

Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.

1 Korento 10:21

À lɔɔn ngwɔ́ pi é le gwɔ́ pʉ̀a pie pi núu ntú’ Cʉ̀apʉ̀a, ńgíŋe ńgwɔ́ pʉ̀a pie pɔ́ núu ye *messé tepòŋ wɔ́. Ngwɔ́ pi é le gwɔ́ pʉ̀a pie pi jÿó shúm léjÿó Cʉ̀apʉ̀a, ńgíŋe ńgwɔ́ pʉ̀a pie pɔ́ jÿó shúm léjÿó *messé tepòŋ wɔ́.

1 Korento 10:4

Mbɔɔ pá’ pɔ́ la gíŋe ḿbúte ńnú ntse gẅie é gíŋe fóo mbwo Ssé. Pɔ́ lɔ́ɔn ńnúu wɛ̌ ntse é fóo ná máa tóon gẅie e Ssé la gÿo ngie à gwɔ́ nzèm pɔ́b. Wɛ̌ máa tóon laa pú’u, ńdɔgɔ ńgwɔ́ Kristo.

1 Korento 11:25

Pɔ́ jÿó mmó tà ńtsẅé jʉ’, á gíŋe ńkaa ntú’ ńgɔɔn ngie: Ntú’ yɔɔn ee pá’ɔɔn ńgwɔ́ *kʉ̀a sẅé gie e Ssé lɔgɔ metse mɔ́ɔn ńgwaa. Pi cʉ́’ ńne ńgÿo pá’ɔɔn, ńdɔgɔ ńkímte wɔ̀ɔn fʉ̀’ ntsèm gie pi ge gÿo ne núu.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

Efeso 5:18

Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

Ŋwà’ne Ngyà jʉ’ 21:6

ńgíŋ ńgɔɔn né mèŋ ngie: Á zsoté. Mèŋ n gee Alfa, ńgwɔ́ Omega, ńgwɔ́ ndùŋ mvfò, ńgwɔ́ nzsònzèm. Agága nyìŋ lɔɔn ńne shÿó, mbà mèŋ n ge ná ntse gẅie é gÿo mé ké ńgwɔ́ pɔ́ wó á mbwó yé. Wɛ̌ ntse fóo nà lesa’á ntse sɔ́ɔn, mèŋ n ge ná pɔ́ sẅɛɛ sẅɛɛ.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.