Ŋwà’ne Jâŋ 7:35 - Nouveau Testament en Ngienboum

³⁵ Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Ŋwà’ne Jâŋ 7:35 ပူးပေါင်းရင်းမြစ်များ

Matio 12:21

Mengwòŋ ntsèm tsɛ̀ɛ njÿó cʉ́’ʉ ńdɔgɔ pɔ́ yé ńnéŋe».

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Ŋwà’ne Jâŋ 12:20

Etsɔ́ ntá’ pʉ̀a Gelekia, lá pʉ ńtóo Yerósalem léjÿó línɔ́ɔn, ńgu’te Ssé.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Ŋwà’ne Jâŋ 8:22

Pʉ̀a leen ńké ńjú’ pú’u, ńgɔɔn ngie: Yé zɔ ge zẅé mbùm ye keen? Á nue à gɔ̌ɔn ngie: Pi tè ku’u légʉa jʉ’ gie mèŋ n gee nê wó wɔ́.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 11:20

Tá’, etsɔ́ ntá’ pʉ̀a Kristo tsetsɛ̀ɛ pɔ́b pie é laa pʉ̀a Sirɛne, mbɔɔ pe Shʉ̀pele, gʉa tà ńkúu Antiokia yɔ́b, éshwóŋó nò Nkʉ̀ Mbòŋo Cʉ̀apʉ̀a Yěsô mbɔɔ mbwo pʉ̀a pie é té pà Yuda wɔ́.

Megàŋ ntúm 14:1

Pɔl pɔ́ Panebâse metsèm kúu Ikonium, menò gíŋe ńcʉate pɔ́ ndʉŋ ndʉŋ pá’ é ka cʉate Antiokia. Pɔ́ gʉa *ndá cú’tè pà Yuda éshwóŋó nò Ssé. Tà lelÿò pà Yuda, tà mbɔɔ pʉ̀a pie é té pà Yuda wɔ́ zẅíŋe nò Yěsô.

Megàŋ ntúm 17:4

Etsɔ́ ntá’ pà Yuda jú’ á kúte wɔ́b, pɔ́ zẅíŋ, ńcʉ́me nzèm Pɔl pɔ́ Silas, tà mbɔɔ tsɔ́ pà Gelekia tà ńgyɔ́ɔn pie pɔ́ la zẅíŋe nò Ssé pà Israel. Tà mbɔɔ tsɔ́ pánzwě pie ée tÿǒsoŋ, ńcʉ́e la zẅíŋ yɔ́b.

Megàŋ ntúm 18:4

Á gwɔ́ yɛ̌ lyɛ’ɛ́ nzse pà Yuda wɔ́, Pɔl gʉa *ndá cú’tè pɔ́b, éfa’a shÿó léshwóŋ pà Yuda pâ pà Gelekia nò tà pɔ́ jú’.

Megàŋ ntúm 21:21

Tá’ pɔ́ ké ne ńjú’u mé gɔɔn ná gù ngie: Ɔ̀ ne ńzí’i mbwo pà Yuda pie ée túmo túm ngie pɔ́ gwá’ *lepʉ̌ Mǒsê. Ngie ɔ̀ ne ńtsẅi ngie tà pɔ́ gíŋe ḿbú’ gubé yɔ́b. Ngie ɔ̀ ne ńtɔ’ɔ wɔ́b légíŋ ńgiŋe ná pá’ mà lá’ wege né ńzɛ́te.

Megàŋ ntúm 22:21

Cʉ̀apʉ̀a lêen ńké ńgɔɔn né mèŋ ngie: Lwo, mèŋ n túmo gú pá’ɔɔn ngʉ̀a shʉ̀shʉ̀a, á tsetsɛ̀ɛ pʉ̀a ntí ntí pie é té pà Yuda wɔ́.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.