Ŋwà’ne Jâŋ 7:27 - Nouveau Testament en Ngienboum

²⁷ Tá’, wɛ̂ nyìŋ aa pɛ́’ɛ̀ peg ne ńzsé jʉ’ gie à fóo wó. Tá ńgʉa ná *Nzà’nkÿo, mbà nyìŋ tè gÿo zsé jʉ’ gie à fóo wó wɔ́.

Ŋwà’ne Jâŋ 7:27 ပူးပေါင်းရင်းမြစ်များ

Malékuse 6:3

À tè kápíndɔ́ɔn, ńgwɔ́ míŋ Malîɛ wâ? Ńgwɔ́ fɛ́ pà Jâg, ńgÿo Joses, ńgÿo Jẅide mbɔɔ Símo wâ? Mefɛ́ pé pe pànzwě té gwɔ́ pɔ́ lá’ pege wɔɔn wɔ́ le? Pɔ́ gɔɔn pá’ɔɔn, ńdʉ’ʉ lé jú’u nò yé.

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Ŋwà’ne Jâŋ 6:42

Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Ŋwà’ne Jâŋ 7:15

Á kʉ’ʉ pà Yuda, pɔ́ gɔɔn ngie: À gÿo lêkɔ́ ńzsé ŋwà’ne Ssé pɛ́’ɛ̀, tá mbà à la tè sekúd zí’i?

Ŋwà’ne Jâŋ 9:29

Peg ne ńzsé ngie Ssé la gɔɔn nò á mbwo Mǒsê, tá ńgʉa ná wɛ̂ nyìŋ, mbà peg tè ne ńzsé lefǒ sé wɔ́.

Megàŋ ntúm 8:33

Mé la tém shʉ́ twó yé, ńzá’ ye ntsaŋ té poŋ. Ngwɔ́ mé kè ńgwaa kím ngẅɛ̀ yé, éfóo nzɔ̌ pá’ mé la zá’a yé zǎ’ ńzẅé.