Ŋwà’ne Jâŋ 7:15 - Nouveau Testament en Ngienboum

¹⁵ Á kʉ’ʉ pà Yuda, pɔ́ gɔɔn ngie: À gÿo lêkɔ́ ńzsé ŋwà’ne Ssé pɛ́’ɛ̀, tá mbà à la tè sekúd zí’i?

Ŋwà’ne Jâŋ 7:15 ပူးပေါင်းရင်းမြစ်များ

Matio 13:54

né lá’ pɔb, ńkúu wó, ńně ńzí’i pʉ̀a nò Ssé tsɛ̀ɛ *ndá cú’tè pà Yuda. Pʉ̀a pie ée wó jú’u shwóŋò yé, ḿmɔɔn ńgɔɔn ngie: À lɔgɔ sɛ̂ legye lê metʉ̀ lɔg ńgÿo menò mmɔɔn mmɔɔn fóo nzɔ̌?

Matio 22:22

Pɔ́ jú’ pá’ à tsɔ̌’ pú’u, á cʉa wɔ́b. Pɔ́ nyé yé jʉ’ó, ńgʉa.

Matio 22:33

Menùɔ lá’ mie é laa jʉ’ó la ne ńgɔ’te ntí gie Yěsô lɔgɔ ńzí’i pʉ̀a mmó pú’u.

Lukase 2:47

Pʉ̀a pie é la jú’u shwóŋè yé ně ḿbúu ńgɔ’te zsé nò yé mbɔɔ yé ntí letsɔ’ɔ́ nò.

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 7:11

Mé gwɔ́ tà ne ńjÿó línɔ́ɔn, pàsá’a lá’ pà Yuda ne ńgwá fa’a yé, ńzɛ́te ngie: Yěsô gwɔ́ pɔ́ nzɔ̌?

Ŋwà’ne Jâŋ 7:13

Tá nyìŋ ké tě ńgɔɔn nò ná yé tà ngyè ye kwɔ́’ɔ tÿǒ wɔ́, ḿbɔ́gɔ pàsá’a lá’ pà Yuda.

Ŋwà’ne Jâŋ 7:46

Pàpyɛ́bɛ jʉ’e Ssé tsɔ́’ ngie: Peg laa zɔɔn ńjú’ tsɔ̌ nyìŋ shwóŋó pá’ nyìŋ áwe wɛ̌ wɔ́!

Megàŋ ntúm 26:24

Pɔl ne ḿbíte ncwò wé pú’u, ngúmnɔ́ɔn Festus kwé’e ngyè ye ńgɔɔn ngie: Pɔl, ɔɔ pʉa. Ɔ̀ léen ḿbú, ńzí’i mmó zí’i tà á cʉŋte twó jú.

Megàŋ ntúm 4:13

Epʉ̀a pie la ńnéŋe ssé ně ŋaga wɔ́b, gyá ntí gie Piɛ pɔ́ Jâŋ lɔ̌g ńgɔɔn nò té pɔ́g á kʉ’ʉ wɔ́b, mélà’mie pɔ́ la ne ńzsé ngie pɔ́ gwɔ́ pɔ́ memeen pʉ̀a, mbà pɔ́ la té zí’i sekúd tɛ’ wɔ́. Pɔ́ léen ńké ńdiŋ ngie pɔ́ gÿo pu’u, á nue pâ Yěsô kɔ́ɔn ńteme kwò ńgiŋe.