Ŋwà’ne Jâŋ 7:14 - Nouveau Testament en Ngienboum

¹⁴ Mé jÿó línɔ́ɔn tà ńgebe, Yěsô gʉa ne *jʉ’ʉ Ssé, ńzye lézí’i pʉ̀a mmó.

Ŋwà’ne Jâŋ 7:14 ပူးပေါင်းရင်းမြစ်များ

Matio 21:12

Yěsô gʉa tà ńkúu tsɛ̀ɛ *jʉ’ʉ Ssé, ńtág pàsẅiŋ shúm pâ pàjúu, ńtsó mekǔ metʉ̌a pàkube nkáb ḿma’a ssé, ńgíŋe ńtág melʉŋ pàsẅiŋ mekàpʉ̀ŋ ńgwá’,

Matio 26:55

Yěsô leen ńké ńgɔɔn mbwó lá’ ngie: Pi gwǎ tó légwoon wɔ̀ɔn, ńgẅiin menně ncù lâ mekésiŋ pá’ fʉ̀’ gie pi ge ńgwoon ntsǒŋ pá’ɔɔn lêkɔ́? Mèŋ n kaa lyɛ̌’ ntsèm ńgwɔ́ pɔ́ tsetsɛ̀ɛ pi *jʉ’ʉ Ssé, ńne ńzí’i pʉ̀a nò Ssé! Pi ké tè wɔ̀ɔn gwoon.

Lukase 19:47

Yěsô piŋ ńgwɔ́ lyɛ̌’ ntsèm, ńně ńgwɔ́ pɔ́ tsɛ̀ɛ *jʉ’ʉ Ssé ńzí’i pʉ̀a nò Ssé, *metándá pànùŋe pwɔ́’, pâ *pàkyàgte lepʉ̌ Mǒsê mbàa *mekěm pà Yuda ne fa’a shÿó légÿo mé zẅé yé.

Ŋwà’ne Jâŋ 18:20

Yěsô tsɔ́’ɔ mbwo yé ngie: Mèŋ n kɔ̌ɔn shʉ̀ashʉ̀a ńgɔɔn nò mbwo lá’, mèŋ n kɔ̌ɔn ńzí’i pʉ̀a mmó tsɛ̀ɛ *mendá cú’tè, mbɔɔ tsɛ̀ɛ jʉ’e Ssé, á jʉ’ gie pà Yuda cú’te wó. Mèŋ n kɔ̌ɔn tě ńgɔɔn tsɔ́ nò pɔ́ ńdÿoon lÿoon wɔ́.

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Ŋwà’ne Jâŋ 7:2

Á gwaa gwɔ́, alínɔ́ɔn pà Yuda gie mé tóŋo le línɔ́ɔn *mentàb ne ḿbɔ́ɔnte.

Ŋwà’ne Jâŋ 7:28

Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.

Ŋwà’ne Jâŋ 7:37

Á gwɔ́ nzsò nzèm lyɛ’ɛ́ línɔ́ɔn, á gie áa máamáa lyɛ’ɛ́ lá’, Yěsô lu ssé ńtyé tsetsɛ̀ɛ pʉ̀a, ńgɔɔn né ngyè tetʉ́ʉ ngie: Agága nyìŋ lɔɔn ne shÿó, á tó ńtsɛ́ɛ wɔ̀ɔn, ńnú ntse.

Ŋwà’ne Jâŋ 8:2

ńgÿo ḿmʉ́ tsɛ̀ɛ mba’ámba’ ḿbiŋe jʉ’e Ssé. Alá’ ne ńtóo né lejʉ́ŋ yé, á ńnéŋe ssé, ńne ńzí’i wɔ́b mmó.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.