Ŋwà’ne Jâŋ 7:10 - Nouveau Testament en Ngienboum

¹⁰ Mefɛ́ pé piŋ ńgwɔ́ tà ḿbʉ nê jʉ’ʉ línɔ́ɔn, á leen ńké ńcʉ́m yé mánzsè. Tá ńgiŋ pɔ́ shute shuté.

Ŋwà’ne Jâŋ 7:10 ပူးပေါင်းရင်းမြစ်များ

Matio 10:16

Mèŋ n túmo gẅi pé pá’ à lɔɔn ńgwɔ́ mé túm mvfó tsetsɛ̀ɛ menɔ̀ɔn ngẅi, pi ké ńgwaa giŋ ńdÿɔ́’ pá’ nnú, ḿbiŋ ńgwɔ́ pàteŋag ntsaŋ pá’ kàpʉŋ la

Matio 12:46

Yěsô lá nyé shwóŋó mbwó lá’ shwoŋó, má we pâ mefɛ́ pé tó, ńtyé pǐ ne fa’a légyá yé.

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

Malékuse 3:21

Epʉ̀a tsìŋe ndá pà Yěsô jú’u yɔɔn nò, ńdu ssé, ńcʉ́me mánzsè pá’ pɔ́ ge gʉa gwoon yé, ńně ńkwaŋa ngie twó yé cʉŋté.

Ŋwà’ne Jâŋ 11:54

Yěsô fó fʉ̀’ó à tè gíŋe shʉ̀ashʉ̀a ńcʉa tsetsɛ̀ɛ pà Yuda wɔ́. Á lɔg tsɔ́ shÿó lá’ gẅie ée lelyěen, á nkwòŋo tsẅɛ, ńgʉa tsɛ̀ɛ tsɔ́ tÿǒsoŋ gie mé tóŋo le Efalaim, pâ *ngàŋa kwò yé ńnéŋe jʉ’ó.

Ŋwà’ne Jâŋ 7:3

Mefɛ́ Yěsô gɔɔn né yé ngie: Fóo jʉ’ɔɔn ńgʉa né Jẅidea tá *ngàŋa kwò ɔ́ gie ée jʉ’ó gyá yɔ́b menò mie ɔ̀ ne ńgÿo.

Ŋwà’ne Jâŋ 7:5

Pɔ́ gɔɔn ńtí nue kwà’ pɔ́b mefɛ́ Yěsô la tè ne ńzába ntʉ́m ná yé wɔ́.

Ŋwà’ne Jâŋ 7:9

Ńgɔɔn né pɔ́b pú’u, ńgíŋ ńnéŋe Galilea.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.