Ŋwà’ne Jâŋ 6:68 - Nouveau Testament en Ngienboum

⁶⁸ Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 6:68 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Malékuse 8:29

Á zɛ́te wɔ́b ngie: Kwà’ pi gí gɔɔn ngie mèŋ n gee wɔ̌? Piɛ tsɔ́’ ngie: Ɔɔ *Nzà’nkÿo gẅie Ssé la ka’.

Lukase 9:20

Yěsô zɛ́te wɔ́b ngie: Kwà’ pi gí gɔɔn ngie mèŋ, n gee wɔ̌? Piɛ tsɔ́’ ngie: Ɔɔ *Nzà’nkÿo gẅie à foo mbwo Ssé.

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 12:50

Mèŋ m biŋ ne ńzsé ngie nkʉ̀ gẅie à la cʉ́me mbwo mèŋ àa le gwɔ́ tèmì. Áa pú’u, anò gie mèŋ n gɔɔn, n gɔɔn pɔ́ pá’ Tá wɔ̀ɔn la tsẅi.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:63

A Zẅìge Ssé zɔ̌ gÿo mé kwà’ ńgwɔ́ wó. Nyìŋ mesoŋ nê twó yé tè ku’u légÿo tsɔ́ mmó wɔ́. Ashwóŋè gie mèŋ n náa mbwo pi fóo mbwo Zẅìge Ssé, yɛ̌ shwóŋè zɔ̌ gÿo tá mé gwɔ́ wó.

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Megàŋ ntúm 5:20

Pi gʉa ńtyé tsɛ̀ɛ gyɛ̌ gie áa tsɛ̀ɛ *jʉ’ʉ Ssé éshwóŋó lá’ menò mie é líe le gwɔ́ we sẅe.

Megàŋ ntúm 7:38

Mǒsê zɔ gíŋe ńgwɔ́ nyìŋ gẅie á laa fʉ̀’ gie pàmangʉa njʉ’ pégè la cú’te nkwòŋo tsẅɛ, á tyé tsetsɛ̀ɛ pɔ́b lâ *cÿɔ́’ Ssé gẅie à lɔ̌ɔn cʉ́me nò mbwo yé á ndùm lekwɔ’ɔ́ Sinay. Kwà’ yé Mǒsê zɔ la kẅé shwóŋe gie á gÿo mé gwɔ́ wó léná né pege.

Megàŋ ntúm 8:37

[Filib gɔɔn ngie: Ɔ̀ lɔɔn ḿbú ńzáb ntʉ́m ɔ́ ná Yěsô Kristo, mbà tsɔ́ mmó té ge taté gú wɔ́. Nyìŋ Etiopia wa tsɔ́’ ngie: N zẅǐŋ ngie Yěsô Kristo aa Míŋ Ssé,]