Ŋwà’ne Jâŋ 6:65 - Nouveau Testament en Ngienboum

⁶⁵ Yěsô gíŋe ńgɔɔn ngie, áa mmó gie á ně ńgÿo tá mèŋ n gɔɔn né pi ngie, à lɔɔn ńgwɔ́ nyìŋ le tó ńkẅɛ́te wɔ̀ɔn té gwɔ́ gie Tá wɔ̀ɔn zɔ gÿǒ ngie ngàŋ tó wɔ́.

Ŋwà’ne Jâŋ 6:65 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 3:27

Jâŋ tsɔ́’ɔ mbwo pɔ́b ngie: E Ssé gẅie aa tÿǒ lepwó zɔ náa fà’ ye wɔ̌wɔ́ɔ.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.