Ŋwà’ne Jâŋ 6:53 - Nouveau Testament en Ngienboum

⁵³ Yěsô tsɔ́’ɔ mbwo pɔ́b ngie, tà mèŋ shwóŋó gẅí, kwà’ nénʉ́, pi lɔɔn tè pfɛ́ mbab nnɛ́ *Míŋ Nyìŋ, ńnú metse mé wɔ́, mbà pi tě ge gwɔ́ wó wɔ́.

Ŋwà’ne Jâŋ 6:53 ပူးပေါင်းရင်းမြစ်များ

Matio 18:3

ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Lukase 13:3

Ngǎŋ, á té nò wɔ́, pi zsé ngie pi lɔɔn ńké tè kúbe gẅi mà wɔ́, mbà pi ge gÿo lége gí pɔ́ pá’ pɔ́b.

Lukase 13:5

Ngǎŋ, á té nò wɔ́. Pi lɔɔn ńké tè kúbe gẅi mà wɔ́, mbà pi ge lége gí pɔ́ pá’ pɔ́b.

Ŋwà’ne Jâŋ 13:8

Piɛ gɔɔn né yé ngie: Azeŋe yɔ́ɔn, à lɔɔn ńgwɔ́ ɔ́ le mekwò mɔ́ɔn sɔg. Yěsô tsɔ́’ɔ mbwo yé ngie: Mèŋ n dɔɔn tè sɔg, mbà pɔgɔ tè gíŋe ńgwɔ́ nà tsɔ́ nò wɔ́.

Ŋwà’ne Jâŋ 15:4

Pi temté ná mèŋ, pá’ mèŋ n temté yɔ́ɔn ná pi! Apwó tÿǒ lɔɔn tè temte nà letsiŋé tÿó wɔ́, mbà à té ku’u lézém mentɔ̌ɔn wɔ́. Áa ndʉŋ ndʉŋ pá’ pi lɔɔn tè temte ná mèŋ wɔ́, pi le ku’u légÿo tsɔ́ mmó tà á poŋ wɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Ŋwà’ne Jâŋ 6:55

Á nue mbab nnɛ́ yɔ̀ɔn ée shúm léjÿó se mbòŋo, metse mɔ́ɔn é gwɔ́ kwà’ mmó nǔ.

Ŋwà’ne Jâŋ 6:62

Tà pi lɔɔn ńgwɔ gyá *Míŋ Nyìŋ gíŋe ńkwɔ́’ ńgʉa né jʉ’ gie à la zɔɔn ńgwɔ́ wó, pi gÿo pɔ́ lêkɔ́?

1 Jâŋ 5:12

Nyìŋ lɔɔn ńzáb ntʉ́m wé ná Míŋ Ssé, mbà ngàŋ àa gẅiin wɛ̌ le gwɔ́ ŋwɛ́, tá nyìŋ gẅie à ké tè záb à tè gẅiin.

Ŋwà’ne Ngyà jʉ’ 2:17

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. N ge lá’ náa mána gẅie aa lelyěen, mbɔɔ féfɔ́gɔ kwá’a, á mbwo nyìŋ gẅie à lÿɔ̌’ ncù tà ńcʉa nò tepòŋ, mbà mé ŋwe’é lezíŋ sẅé ná kwá’a ŋwɛ́, é gwɔ́ sie tsɔ̌ nyìŋ tè zsé tà ndí ndà’ nyìŋ gẅie mé nǎ kwá’a ŋwɛ́ mbwo yé.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.