Ŋwà’ne Jâŋ 6:39 - Nouveau Testament en Ngienboum

³⁹ Ammó gie nyìŋ gẅie à la túmo wɔ̀ɔn ne ńkwoŋo, á gwɔ́ pɔ́ ngie tà mèŋ n cʉ́’ tà tsɔ̌ tà’ nà pʉ̀a pie à la náa mbwo mèŋ pyé. À lyɛ’ɛ́ lá’ nzsò nzèm lá’ ńgwɔ́, mèŋ n zíme wɔ́b nà legwé.

Ŋwà’ne Jâŋ 6:39 ပူးပေါင်းရင်းမြစ်များ

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Matio 18:14

Áa mmó gie á gÿo tá, Tá gẅi gẅie aa tÿǒ lepwó tè kwoŋ ngie tsɔ̌ tà’ nà gubé yé pyé wɔ́.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 17:9

Mèŋ n gee pá’ɔɔn ésẅíŋte gú nà twó sɔ́b, mèŋ n těen sẅíŋte gú nà twó pʉ̀a tsɛ̀ɛ njÿó wɔ́, mèŋ sẅíŋte gú pɔ́ nà twó pʉ̀a pie ɔ̀ la náa mbwo mèŋ, pɔ́ ée kwà’ pʉ̀a pú.

Ŋwà’ne Jâŋ 18:9

Á laa pú’u, ashwóŋè gie Yěsô ně ńgɔɔn mbwo Ssé lɔgɔ ḿbumte. À ně ńgɔɔn ngie: Atsɔ̌ tà’ ná pʉ̀a pie ɔ̀ la náa mbwo mèŋ la, kaa pyé.

Ŋwà’ne Jâŋ 5:28

Tà á mɔ́ɔn ńkʉ’ʉ gẅi kʉ’ʉ, á nue afʉ̀’ ne ńku’u pá’ mepfó ssé metsèm pie é nuŋe tsɛ̀ɛ mesyè ge jú’ ngyè ye,

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:44

Atsɔ̌ nyìŋ lɔɔn ńgwɔ́ á le tó ńtsɛ́ɛ wɔ̀ɔn té gwɔ́ gie Tá wɔ̀ɔn gẅie à la túmo wɔ̀ɔn zɔ shwoŋté yé wɔ́. Mèŋ, m biŋ ńdá’a nà lyɛ’ɛ́ lá’ nzsò nzèm, ńzíme yé nà legwé.

Ŋwà’ne Jâŋ 6:54

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, á gẅiin le gwɔ́ tèmì. Mèŋ n gÿo ńzíme ngàŋ nà legwé á lyɛ’ɛ́ nzsò nzèm.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

1 Korento 6:14

Ndyɛ̌’ pi lege ngie e Ssé gẅie à la zíme Cʉ̀apʉ̀a nà legwé, à ge gÿo lɔg metʉ̀ mé é gíŋe zíme wégè yégè nà legwé.

2 Timote 2:19

Tà mbɔɔ pú’u, àcÿǒ ndá gie e Ssé la nuŋe á nyé ńtʉʉ tʉ. Mé la ŋwe’e ndùmo ngie: Cʉ̀apʉ̀a ne ńzsé pʉ̀a pie ée pé, ńgíŋe ńŋwe’e ngie: Nyìŋ lɔɔn ngie aa nyìŋ Cʉ̀apʉ̀a, á tém nzèm nò tepòŋ.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.