Ŋwà’ne Jâŋ 6:38 - Nouveau Testament en Ngienboum

³⁸ Á nue mèŋ n da tè fó tÿǒ lepwó ńtó pɔ́ légÿo yɔ́ɔn mmó gie mèŋ n kwǒŋ wɔ́, n da tó légÿo mmó gie nyìŋ gẅie à la túmo wɔ̀ɔn à ne ńkwoŋo.

Ŋwà’ne Jâŋ 6:38 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 3:31

Nyìŋ gẅie à fóo tÿǒ lepwó, à cʉa pʉ̀a metsèm. Nyìŋ gẅie aa ndùmo ssé tsetsá’ aa nyìŋ tsetsá’, ḿbiŋ ńgɔɔn nò pɔ́ nà menò mie ée ndùmo ssé tsetsá’. Tá’, nyìŋ gẅie à fóo tÿǒ lepwó à cʉa pʉ̀a metsèm.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

Ŋwà’ne Jâŋ 6:29

Yěsô tsɔ́’ɔ mbwo pɔ́b ngie: Ammó gie e Ssé ne ńkwoŋo ngie pi gÿo, aa lezáb ntʉ́m ná nyìŋ gẅie à ka tǔm.

Ŋwà’ne Jâŋ 6:33

Á nue shúm léjÿó sie é fóo mbwó Ssé, aa nyìŋ gẅie à fǒ tÿǒ lepwó ésẅɛ́’, ńgÿo pʉ̀a mesoŋ tsɛ̀ɛ njÿó gwɔ́ wó.

Ŋwà’ne Jâŋ 6:42

Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Ŋwà’ne Jâŋ 6:57

Tá wɔ̀ɔn zɔ ka túmo wɔ̀ɔn, aa lesa’á le gwɔ́. Mèŋ n dɔgɔ pɔ́ pú’u, ńgwɔ́ wó, áa ndʉŋ ndʉŋ pá’ nyìŋ gÿo ḿpfɛ́ mbab nnɛ́ yɔ̀ɔn, mbà a ge lɔg pɔ́ pú’u, gwɔ́ wó.

Roma 15:3

Kristo la zɔɔn tè fa’ pɔ́ mmó gie á poŋ pɔ́ ndà’ yé wɔ́. Tà ńcʉ́’ pú’u, mbà à la zẅíŋe mmó gie mé gɔɔn tsɛ̀ɛ ŋwà’ne Ssé ngie: «Nzòon pà zoonte gú la gwe twó mèŋ».

Efeso 4:9

Pú’u, mé gɔɔn ngie à la kwɔ́’ nê tÿǒ lepwó, ńdɔgɔ ńgɔɔn ngie kɔ́? Ńdɔgɔ ńgɔɔn ngie Kristo la zɔɔn sẅɛ́’ tà ńkúu ndùmo ssé tsetsá’ jʉ’ɔɔn.

Heber 5:8

À la gwɔ́ pɔ́ Míŋ Ssé tá’, ńgyá ngɔ́’ gyǎ, tà fó pɔ́ mǒ ńzí’i lé jú’ ncwò Ssé,