Ŋwà’ne Jâŋ 6:35 - Nouveau Testament en Ngienboum

³⁵ Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:35 ပူးပေါင်းရင်းမြစ်များ

Matio 11:28

Pi metsèm pie pi kǎ pì’ á zɛɛ gẅi tà pi kʉ́a, pi tó ńtsɛ́ɛ wɔ̀ɔn, n gÿo pi zẅɛte.

Lukase 6:25

Pi ee pàshÿó tepòŋ, pi pie pi ee fʉ̀’ɔɔn ḿpfɛ́ɛ ńzẅɛ́ɛ, mélà’mie pi ge lá’ kwé nzyè. Pi ee pàshÿó tepòŋ pi pie pi ne ńgẅe fʉ̀’ɔɔn, mélà’mie pi ge lá’ cʉ́’ʉ ńnéŋe pɔ́ tsɛ̀ɛ lemÿɔg é piŋ ne lʉa.

Ŋwà’ne Jâŋ 4:15

Manzwě ŋwɛ́ tsɔ́’ɔ mbwo yé ngie: Andè, ná wɛ̌ ntse né mèŋ, agág yɔ́ɔn le lá’ ńgíŋe shÿó wɔ́. Mèŋ n de gíŋe ńtóo jʉ’ɔɔn ńtú’ ntse wɔ́.

Ŋwà’ne Jâŋ 5:40

Pi piŋ ńké tè ne ńkwoŋo létóo mbwo mèŋ ńgẅiin le gwɔ́ tèmì wɔ́.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:41

Pàsá’a lá’ leen ńké ńzye lézẅɛ́te nzèm Yěsô, mélà’mie à gɔ̌ɔn ngie aa mmó léjÿó gie à fóo tÿǒ lepwó.

Ŋwà’ne Jâŋ 6:65

Yěsô gíŋe ńgɔɔn ngie, áa mmó gie á ně ńgÿo tá mèŋ n gɔɔn né pi ngie, à lɔɔn ńgwɔ́ nyìŋ le tó ńkẅɛ́te wɔ̀ɔn té gwɔ́ gie Tá wɔ̀ɔn zɔ gÿǒ ngie ngàŋ tó wɔ́.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.

Ŋwà’ne Ngyà jʉ’ 7:16

Nzyè é le gíŋe ńgyáŋa wɔ́b gwɔ́, agàga yɔ́b le gíŋe é shÿó wɔ́. Nèm le gíŋe ńcúɔ ndù pɔ́b wɔ́. Atsɔ́ mmó le gíŋe ńgÿo mbùm yɔb tween wɔ́.