Ŋwà’ne Jâŋ 6:30 - Nouveau Testament en Ngienboum

³⁰ Pɔ́ pʉŋe ngie: Anò mmɔɔn mmɔɔn gie ɔ̀ ge gÿo, à fóo mbwo Ssé tá peg gyá ńzáb ntʉ́m ná gù áa kɔ́? Ammó gie ɔ̀ ge gÿo áa kɔ́?

Ŋwà’ne Jâŋ 6:30 ပူးပေါင်းရင်းမြစ်များ

Malékuse 15:32

A *Nzà’nkÿo, afùɔ pà Israel, afó nà tÿǒ nkǐ fʉ̀’ɔɔn sẅɛ́’, peg gyá, ńzáb ntʉ́m wég ná ye. Pʉ̀a pie mé la púte wɔ́b lâ pɔ̌ ńkime nà metÿǒ nkǐ la gíŋe ńne ńzoonte yé yɔ́b zoonte.

Malékuse 8:11

Epʉ̀a nà nùɔ pà *farisay tó ńne fa’a nò ná ye, ńtsóte yé ngie à gÿo nò mmɔɔn mmɔɔn gie á nyɛɛ ngie Ssé zɔ kà túmo yé, ńgie à nyɛɛ wɔ́b liŋé gie á la’te ngie Ssé zɔ tumó yé.

Ŋwà’ne Jâŋ 10:38

Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 2:18

Pàsá’a lá’a pà Yuda leen ńké ńgɔɔn né Yěsô ngie: Gÿo ndàa gyá nò mvfò peg ńdɔg ńnyɛɛ wég ngie mé la náa gú tʉ̀ légÿo mmó gie ɔ̀ gÿo lɛ̂.

Ŋwà’ne Jâŋ 4:8

Á gwaa gwɔ́, mbà *ngàŋa kwò Yěsô gʉ̌a tÿǒsoŋ léjú shúm léjÿó.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

Ŋwà’ne Jâŋ 6:2

Alá’ ne ńcʉ́me nzèm yé tɛ’, á nue pʉ̀a la ne ńgyá menò mmɔɔn mmɔɔn mie à la ne ńgÿo nà megàŋa guɔ.

Ŋwà’ne Jâŋ 6:36

Tá’, mèŋ n ka shwóŋó gẅí, pi ne ńgyá wɔ̀ɔn, ńké tè záb ntʉ́m ná mèŋ wɔ́.

Megàŋ ntúm 4:30

Náa weg metʉ̀ lélɔg ńgÿo pʉ̀a zeŋe, lélɔg ńgÿo menò mmɔɔn mmɔɔn pâ ndàa gyá, á ná lezíŋ Yěsô, á ngàŋa fà’ gú gẅie ɔ̀ la tsɔ́’.

1 Korento 1:22

Pà Yuda ée nà wɔ́b nkwɔ’ɔ́ ńně ńzɛ́te ngie mé nyɛɛ mmó gie á la’te metʉ̀ Ssé. Pʉ̀a Gelekia ne ńzɛ́te mmó gie á la’te kwà’ zsé nò.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.