Ŋwà’ne Jâŋ 6:24 - Nouveau Testament en Ngienboum

²⁴ Á gwaa gwɔ́, mbà lá’ yɛ̌ gyǎ ngie Yěsô cʉ’ʉ́ jʉ’ó wɔ́, *ngàŋa kwò yé gíŋe ńcʉ́’ʉ yɔ́b jʉ’ó wɔ́, pɔ́ leen ńké ńkúu tsɛ̀ɛ mekanú’ ŋwɛ́, ńdɔg ye Kapernawúm légwá fa’a Yěsô.

Ŋwà’ne Jâŋ 6:24 ပူးပေါင်းရင်းမြစ်များ

Matio 14:34

Pɔ́ túm ntse tà ńkúu nà nzǐŋ ye Jenezared,

Malékuse 1:37

ńgwɔ́ tà ńgyá yé, ńgɔɔn né yé ngie: Pʉ̀a metsèm ne fa’a gú.

Malékuse 6:53

Pɔ́ túm ntse, tà ńkúu nà nzǐŋ ye Jenezared, ńcʉŋe kanú’, éfó tsɛ̀ɛ wó ńkẅɛ,

Lukase 8:40

Yěsô piŋ nzèm tà ńkúu nà yetsɔ̌ nzǐŋ, alá’ gwɔ́ wó, mbà á ně ńdá’ ńzye lézẅí’te yé, pɔ́ gyá yé ḿbú ńkág tɛ’.

Ŋwà’ne Jâŋ 20:15

Yěsô gɔɔn né yé ngie: Mɔ̌ɔn, ɔ̀ lʉa kɔ́? Ɔ̀ fa’a wɔ́? Tá á kwaŋ ngie kà à gwɔ́ pɔ́ nyìŋ gẅie à pyɛ́bɛ nká’a ngale wɔ́, ńgɔɔn né yé ngie: Andè, à lɔɔn ńgwɔ́ gie gù zɔ ně ńkaa pfó Yěsô, ɔ̀ la’te wɔ̀ɔn jʉ’ gie ɔ̀ ně ńnuŋe wó, n gʉa, ńkaa.

Ŋwà’ne Jâŋ 6:17

Ńkúu tsɛ̀ɛ tsɔ́ kanú’, ńne ńgee né Kapernawúm ná yetsɔ̌ nzǐŋ, nzěm gwaa síŋ, Yěsô nyé pɔ́ tè kẅɛté wɔ́b.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Ŋwà’ne Jâŋ 6:26

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, pi tě séen fa’a wɔ̀ɔn, pɔ́ mélà’mie pi ka gyá menò mmɔɔn mmɔɔn mie mèŋ n ka gÿo, é nyɛɛ metʉ̀ Ssé wɔ́, pi fa’a wɔ̀ɔn ńtí pɔ́ pá’ pi ka pfɛ́ mbelég tà ńzẅɛ́.

Ŋwà’ne Jâŋ 6:59

Yěsô lɔ̌ɔn ńgɔɔn mɔɔn menò, á fʉ̀’ gie à la ne ńzí’i pʉ̀a nò Ssé tsɛ̀ɛ *ndá cú’tè pà Yuda á Kapernawúm.

Ŋwà’ne Jâŋ 7:11

Mé gwɔ́ tà ne ńjÿó línɔ́ɔn, pàsá’a lá’ pà Yuda ne ńgwá fa’a yé, ńzɛ́te ngie: Yěsô gwɔ́ pɔ́ nzɔ̌?