Ŋwà’ne Jâŋ 6:11 - Nouveau Testament en Ngienboum

¹¹ Yěsô pí mbelég, ńná ndǎg mbwo Ssé, ńgába mbwo lá’, ńgíŋ ńgÿo pɔ́ pú’u nà messó, wɔ̌wɔ́ɔ pfɛ́ɛ mmó pá’ à kwǒŋ.

Ŋwà’ne Jâŋ 6:11 ပူးပေါင်းရင်းမြစ်များ

Matio 15:36

ńdeen ńké ńkẅé mbelég ŋwɛ́ mbu’ú sɔɔn mbʉ́a lê messó má, ńná ndǎg mbwó Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Lukase 24:30

Afʉ̀’ʉ léjÿó shúm gÿo ńku’, pɔ́ ńnéŋe ssé, á pí mbelég, ńná ndǎg mbwo Ssé, ḿbwɔ́’te ńná né pɔ́b.

Ŋwà’ne Jâŋ 21:10

Yěsô gɔɔn né pɔ́b ngie: Pi lêen ńké ńdɔg tsɔ́ messó mie pi foo légwoon la ńtó la.

Ŋwà’ne Jâŋ 21:13

Yěsô lêen ńké sẅɛ’te nnɛ́, ḿbí mbelég ńná né pɔ́b, ḿbiŋ ńgíŋe ńná messó né pɔ́b.

Ŋwà’ne Jâŋ 21:9

Pɔ́ tó fó tsɛ̀ɛ kanú’ ńkẅɛ tà ńtyé ssé, ńgyá mmɔ̌g megɔ́’, mbà mé zǎb messó nê mbelég ndumó.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Ŋwà’ne Jâŋ 6:9

Atsɔ̌ mûɔ mbàŋa aa jʉ’ɔɔn, ńgẅiin mbelég mbu’ú ntʉ̀a, ńgÿo messó ntá’ pʉ́a, sɛ̌ shúm ké ńku’u kɔ́ nà nzẅìŋ lá’ yɔɔn?

Megàŋ ntúm 27:35

Pɔl gɔɔn pú’u, ḿbí mbelég, ńtyé mvfò pʉ̀a metsèm, ńná ndǎg mbwo Ssé, ḿbwɔ́’, ńzye lépfɛ́.

Roma 14:6

Nyìŋ gẅie à gẅiin tyɛ’te ná melyɛ’ɛ́ lá’, à gÿo tyɛ’te pú’u, pɔ́ lélɔg ńgu’te Cʉ̀apʉ̀a. Nyìŋ gẅie à gyá kɔ́ wɔ́ ńgwɔ́ à pfɛ́ yé pfɛ́, à pfɛ́ pú’u, pɔ́ lélɔg ńgu’te Cʉ̀apʉ̀a, á nue à ne ńnáa ndǎg mbwo Ssé mǒ. Nyìŋ gẅie à piŋ tè gyá kɔ̀ɔkɔ́ɔ ḿpfɛ́ pfɛ́ wɔ́, à tè pfɛ́ pú’u, á gwɔ́ pɔ́ lélɔg ńgu’te Cʉ̀apʉ̀a. Á giŋé ńne ńnáa yé ndǎg mbwo Ssé.

1 Korento 10:31

N ge gɔɔn yɔ́ɔn ngie, pi lɔɔn ne ńjÿó pɔ́ mmó, kà ne ńnúu pɔ́ mmó wɔ́, kà ne ńgÿo pɔ́ kɔ́ wɔ́, pi gÿo sɛ̌ shúm ntsèm pɔ́ nà ntí gie mé ge gu’te Ssé.

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.