Ŋwà’ne Jâŋ 5:46 - Nouveau Testament en Ngienboum

⁴⁶ Pi la zɔɔn pé’e ńzẅíŋe nò gie Mǒsê la gɔɔn, mbà pi zẅíŋe yɔ́ɔn, mélà’mie à la ŋwè’e nò ńtí wɔ̀ɔn.

Ŋwà’ne Jâŋ 5:46 ပူးပေါင်းရင်းမြစ်များ

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Ŋwà’ne Jâŋ 5:47

Pá’ pi tè ne ńzẅíŋe nò gie Mǒsê la ŋwe’e wɔ́ la, pi ge gǎ tá zẅíŋe nò gie mèŋ n gɔɔn?

Megàŋ ntúm 26:22

Tà mèŋ n nyé wó lyɛ̌’ɔɔn pá’ɔɔn, e Ssé zɔ̌ ne ńkábte wɔ̀ɔn. Mèŋ m biŋ ne shwóŋó kɔ̀ɔkɔ́ɔ wɔ́ gie mèŋ n zsé ná yé, á mbwo melÿò mbɔɔ mbwo pènkʉ́. Mé la tʉ́ njÿó ńgɔɔn menò mie é ge lá’ tá tó tsɛ̀ɛ ŋwà’ne pà *ntsẅì nkʉ̀ Ssé, mbɔɔ tsɛ̀ɛ ŋwà’ne Mǒsê. Mèŋ n kě ne ńgɔɔn pɔ́ yɛ̌.

Roma 10:4

Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Galatia 2:19

Á kaa fʉ̀’ gie mèŋ n ka nyě ne fa’a ngie e Ssé fó ná pá’ mèŋ n gɔɔn ngie mèŋ n kú’te *lepʉ̌, ńcʉ́’ ńdíe wɔ̀ɔn pɔ́ pá’ nyìŋ gẅie aa ndʉŋ ndʉŋ, mèŋ n jú’ ngie ńgwɔ́ á le gwɔ́ pú’u wɔ́, áa yɛ̌ tá mèŋ n cʉ́’ ńgwɔ́ ná nò *lepʉ̌ yɔɔn ńgwɔ́ pɔ́ mpfó, pú’u, ńzsé ngie n ge gwɔ́ mvfò Ssé é gwɔ́ ntentʉ́. E Ssé la zɔɔn ńteme wég Kristo mé púte wég yé ńkime nà tÿǒ nkǐ.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Galatia 3:24

*Lepʉ̌ lâ pá’ɔɔn ńdɔgɔ ńgwɔ́ pá’ nyìŋ gẅie e Ssé la túm á ně ńdíe wég tà ńkú fʉ̀’ gie Kristo ka tó légwɔ́ gie peg ge záb ntʉ́m ná ye; é lɔg pú’u, e Ssé cʉ́’ ńdíe wég pɔ́ pá’ pʉ̀a pie ée ndʉŋ ndʉŋ mvfò ye.