Ŋwà’ne Jâŋ 5:44 - Nouveau Testament en Ngienboum

⁴⁴ Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Ŋwà’ne Jâŋ 5:44 ပူးပေါင်းရင်းမြစ်များ

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Lukase 19:17

Áfùɔ tsɔ́’ ngie, áa mboŋ, ɔɔ ngàŋa fà’ we mbòŋo. Pá’ ɔ̀ pɔ̌ɔn múɔ mémmó mboŋó la, mèŋ n ge ná metÿǒsoŋ legém ɔ̀ ne sá’a.

Ŋwà’ne Jâŋ 12:43

Á laa pú’u, mélà’mie pɔ́ la kwoŋ mekù’ mie pʉ̀a mesoŋ náa mbwo pɔ́b, ńtɔ́g mie é fóo mbwó Ssé.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 3:20

Ngÿǒ menò nyìŋ lɔɔn ńzɔɔn tè ne ḿboŋo wɔ́, mbà ngàŋ ge pʉa kyɛ̀’ pʉa, á le kwoŋo légiŋe jʉ’ gie kyɛ̀’ áa wó wɔ́, ḿbɔ́gɔ nue ngÿǒ menò mé ge kẅɛɛ mángyɛ̌.

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Ŋwà’ne Jâŋ 8:43

Pi piŋ ńké tè ne ńjú’u shwóŋè yɔ́ɔn mɔ́ mélà’a kɔ́? Áa nue pi tè ku’u lézẅí’te shwóŋè yɔ́ɔn mɔ́.

Roma 2:10

Á ké ńgʉa nà nyìŋ gẅie à gÿo nò mbòŋo, e Ssé náa legú’ né ye, ńná mékù’ lé ye, ńgíŋ náa yé mbʉ́lè, ńcʉ́’ʉ lé ná, ńzye nà nyìŋ Yuda ḿbɔ́ɔnte, ńnáa mbwo nyìŋ gẅie à tè nyìŋ Yuda wɔ́,

Roma 2:29

Tá’ kwà’ nyìŋ Yuda, á nyìŋ Ssé, á gwɔ́ pɔ́ nyìŋ gẅie mé la pú’u yé pɔ́ tsɛ̀ɛ tʉ́m ye. Á gwɔ́ lepú’ gẅie a Zẅìge Ssé zɔ gÿo, tà à tè gwɔ́ pɔ́ gẅie à fóo ná pá’ mé la ŋwe’e tsɛ̀ɛ *lepʉ̌ wɔ́. Wɛ̂ zɔɔ nyìŋ gẅie e Ssé zɔ ná mekù’ mé tà pʉ̀a mésoŋ zɔ té ná.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 10:18

Á lɔgɔ ńgwɔ́ ngie nyìŋ gẅie mé zẅíŋe nò yé, à tè nyìŋ gẅie yé zɔ la’te mmó gie à gÿǒ wɔ́. À gwɔ́ pɔ́ nyìŋ gẅie Cʉ̀apʉ̀a zɔ la’te mmó gie ngàŋ gÿǒ.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.