Ŋwà’ne Jâŋ 5:41 - Nouveau Testament en Ngienboum

⁴¹ Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Ŋwà’ne Jâŋ 5:41 ပူးပေါင်းရင်းမြစ်များ

Ŋwà’ne Jâŋ 12:43

Á laa pú’u, mélà’mie pɔ́ la kwoŋ mekù’ mie pʉ̀a mesoŋ náa mbwo pɔ́b, ńtɔ́g mie é fóo mbwó Ssé.

Ŋwà’ne Jâŋ 5:34

Á gʉa ná mèŋ, mbà mèŋ n tè ne ńtsɔ́ɔn ngie nyìŋ mesoŋ zɔ gɔɔn nò gie à zsě ná mèŋ wɔ́. Tá’, mèŋ n gɔɔn yɔɔn nò légwɔ́ gie pi ge cʉa mǒ tsẅɛ́.

Ŋwà’ne Jâŋ 5:40

Pi piŋ ńké tè ne ńkwoŋo létóo mbwo mèŋ ńgẅiin le gwɔ́ tèmì wɔ́.

Ŋwà’ne Jâŋ 5:42

Tá’, mèŋ n zɔɔn ne ńzsé gẅí, pi ee ntʉ́m pi, pi tè Ssé kwoŋ.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Ŋwà’ne Jâŋ 6:15

Yěsô gyá shÿó gẅie pɔ́ ne fa’a légwoon yé ńdɔgɔ yé ńgÿo fùɔ, ńgíŋe ńnyé wɔ́b ńgʉa né ndùm lekwɔ’ɔ́ gílé yé.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Ŋwà’ne Jâŋ 8:50

Mèŋ, n tě ne fa’a pɔ́ wɔ̀ɔn legú’ wɔ́. Atsɔ̌ nyìŋ ndyɛ̀’ɛ zɔ ne fa’a wɔ̀ɔn legú’, yé zɔ ge zá’ ntsaŋ.

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

2 Piɛ 1:17

Á fʉ̀’ gie Ssé Tá la ná legú’ mbɔɔ mekù’ á mbwo yé, mé jú’ ngyè Ssé gẅie à gẅiin metʉ̀, á gɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág.