Ŋwà’ne Jâŋ 5:39 - Nouveau Testament en Ngienboum

³⁹ Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Ŋwà’ne Jâŋ 5:39 ပူးပေါင်းရင်းမြစ်များ

Matio 22:29

Yěsô tsɔ́’ɔ mbwó pɔ́b ngie: Legye sí ne fʉʉ gẅi á nue pi tè mmó gie áa tsɛ̀ɛ ŋwà’né Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́.

Malékuse 10:3

Yěsô zɛ́te wɔ́b ngie: Mǒsê la tsẅii tsɛ̀ɛ *lepʉ̌ ngie pi gÿo pɔ́ lêkɔ́?

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

Lukase 16:29

Ábalam tsɔ́’ɔ mbwo yé ngie, mefɛ́ pú gẅiin ŋwà’ne Mǒsê, ńgíŋe ńgẅiin me *pàntsẅì nkʉ̀ Ssé. Pɔ́ jú’ ntÿɔgɔ́ gẅie ée tsɛ̀ɛ wó.

Lukase 16:31

Tá Ábalam gɔɔn né yé ngie: Pɔ́ lɔɔn tè jú’u shwóŋè Mǒsê mbɔɔ ye *pàntsẅì nkʉ̀ Ssé wɔ́, mbà nyìŋ zɔɔn ńzím zím, ńtó shwóŋó wɔ́b pɔ́ kɔ́ wɔ́, pɔ́ le zẅíŋ.

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Ŋwà’ne Jâŋ 5:32

Nyìŋ ndyɛ̀’ɛ zɔ gɔɔn nò gie à zsé ná mèŋ, mèŋ m biŋ ne ńzsé ngie nò gie à gɔɔn ná mèŋ áa nénʉ́.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Ŋwà’ne Jâŋ 5:40

Pi piŋ ńké tè ne ńkwoŋo létóo mbwo mèŋ ńgẅiin le gwɔ́ tèmì wɔ́.

Ŋwà’ne Jâŋ 5:46

Pi la zɔɔn pé’e ńzẅíŋe nò gie Mǒsê la gɔɔn, mbà pi zẅíŋe yɔ́ɔn, mélà’mie à la ŋwè’e nò ńtí wɔ̀ɔn.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Megàŋ ntúm 13:27

Tá á ke ńgwɔ́ pá’ɔɔn, mbà pʉ̀a Yerósalem pâ pà sá’a lá’a yɔ́b kéen tè zsé nyìŋ gẅie Yěsô aa wɛ̌ wɔ́, pɔ́ kéen ńgíŋ tè jú’u mmó gie shwóŋè pà *ntsẅì nkʉ̀ Ssé gɔɔn wɔ́, tá ḿbiŋ ne ńtóŋo ngwòŋ melyɛ’ɛ́ nzse mɔ́b ntsèm. Á ka cʉa pú’u, pɔ́ sẅiŋe Yěsô pá’ mé ge zẅé. Pɔ́ ka lɔg pú’u, ńgÿo ammó gie pà *ntsẅì nkʉ̀ Ssé la tʉ́ njÿó ńtsẅi á púmte,

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

Megàŋ ntúm 26:27

Nɔ̀ɔn temà’ fùɔ Agrippa, tà ɔ̀ zǎb ntʉ́m gú nà menò mie pà *ntsẅì nkʉ̀ Ssé la ŋwe’e? N zsé ngie à lɔɔn ńgwɔ́ nɔ̀ɔn temà’ le nyé té záb ntʉ́m wé mǒ wɔ́.

Roma 1:2

Ntyě sǎg pá’ Ssé la la’ ńka’ wɛ̌ Nkʉ̀ Mbòŋo tà ńgÿo pà Ntsẅi nkʉ̀ pé pe fʉ̀’ʉ mvfò ŋwe’e tsɛ̀ɛ ŋwà’ne yé.

Roma 3:2

Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.

Heber 11:35

Á la fó pɔ́ ná pá’ tsɔ́ pànzwě la záb ntʉ́m wɔ́b nà Ssé, epʉ̀a pɔ́b pie pɔ́ la kwé, zím tà pâ pɔ̌ gíŋe ńnéŋe. Tá á gʉa ná tsɔ́ pʉ̀a, mé gÿo pɔ́ lêkɔ́ ná pɔ́b wɔ́, pɔ́ té nyé lézáb ntʉ́m nà Ssé ńzsé ngie mé ge kyɛɛ wɔ́b nyé wɔ́. Á laa mbwo pɔ́b, mvfò gwɔ́ pá’ pɔ́ ge kwé, ńzsé ngie e Ssé ge gÿo zíme wɔ́b,

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.