Ŋwà’ne Jâŋ 5:37 - Nouveau Testament en Ngienboum

³⁷ Tá wɔ̀ɔn gẅie à la túmo wɔ̀ɔn, kwà’ yé máŋwɛ́ ne ńgɔɔn nò gie à zsě ná mèŋ. Pi laa ngyè ye jú’u, ńké tè shÿó wé gyá.

Ŋwà’ne Jâŋ 5:37 ပူးပေါင်းရင်းမြစ်များ

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

Malékuse 1:11

Ngyè fó tÿǒ lepwó ngie: Ɔɔ míŋ wɔ̀ɔn, mèŋ n kwoŋo ɔ́ tɛ’, n záb ntʉ́m wɔ̀ɔn ná gù.

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 3:22

A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 5:32

Nyìŋ ndyɛ̀’ɛ zɔ gɔɔn nò gie à zsé ná mèŋ, mèŋ m biŋ ne ńzsé ngie nò gie à gɔɔn ná mèŋ áa nénʉ́.

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

Ŋwà’ne Jâŋ 8:18

Mèŋ n gee pá’ɔɔn ńgɔɔn nò gie mèŋ n zsě nà twó mbùm yɔ́ɔn, Tá wɔ̀ɔn gẅie à la túmo wɔ̀ɔn, à giŋé ne ńgɔɔn yé nò gie à zsě ná mèŋ.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

1 Jâŋ 5:9

Epʉ̀a mesoŋ gɔɔn mmó gie pɔ́ zsé nà nò, pege jú’ ńzẅíŋ ńgie áa nò. Ammó gie e Ssé gɔɔn nà nò á piŋ ńcʉa gie pʉ̀a mesoŋ gɔɔn. À lɔg menò méntá mɛ̌, ńgɔɔn nò ná nò Míŋ we.